Versículos más leídos de la Biblia Zenezi 49

Compartir

Zuda, apito siwazusizé hã te za te te 're tété. Duré isihudu norĩ hã te za õne u'â dama i'rãnho'õmo na dama 're hâimana za'ra. Te za danhoprubzé hã da te tãma 're 'wasari, daro mono bâ. Tawamhã te za duré isimiroti hã da te 're wapari pese za'ra.

“Zuzé hã te rowede, â na'rata 'rata 'rãi pese na 're isa mono ne 're hâimana, ipanhipti 'ri 'wawi wa'ra 'rãihâ na hâimo te te 're irowaibui mono ne. Isitob'ru norĩ hã te za siwi susi, sada siwa'ro za'ra sina. Tahawa, te za siwi sama, tinhimnhi'ãsi na, duré tite za'ra ti'i na.

Tane nherẽ, tinhimnhi'ã te te rési ãna, te za itété tete na hã ãma uzusi. Duré ipaihi si'uiwa na paihi nhiptete zahuré di za, Zacoho te 'Re ihâimana u'âsi mono iwaihu'u pese nhiptetezém hawim na wa, Pone'ẽrebâ 'madâ'â'wa ne Izaraéu nhihudu norĩ te, Ẽtẽ tõmo wawẽ nhisi na hã. Aimama te, 'Re ihâimana u'âsi mono te za te te 're aipawapto. Iwaihu'u pese uptabi te za iwẽ hã te te aima 're anhomri, hâiwa hawi â hã, ti'ai 'rowi â hã, abaze norĩ i'ahâ hã, ai'ra i'ahâ hã

“Zuda, asisãnawã norĩ te za ai'ãma 're wata za'ra. Asõ're te za aima 're siwẽ'ẽ za'ra. Te za duré asitob'ru norĩ, ibutu na 're i'atété mo. Ĩ'ra Zuda, hu'u zéré pa ihâiba tém ne hã te 're hâimana. Ta hã 're sisõpãrĩ za'ra mono pari te za siwati sina nomro. Ãhã ré hã e ni'wa sada sib'ru da bâ, te te irési da hã.

“Ĩ'ra Rubẽ, a hã imorĩ'rata na dama aipoto 'rada. A hã, ai'uté poto 'manharĩzém na ĩnhiptetezé hã ma tô asina ĩma 're isani mo, asô 're ĩzapa'a mono wamhã. Duré imorĩ'rata na ĩhâiba hawi ĩnhiptetezéb zarina ĩma 're i'aihâimana mono, 'râwi asi'madâ'â ze za'ẽtẽ na 're i'aihâimana mono, duré ĩ'ra asisãnawã norĩ nhipai u asiptete na 're i'aihâimana mono. A hã asitété waihu'u õ, â wara nhiptede 're ipraba mono ne. Tahawa, dama aipire na oto 're aihâimana mono õ di za, ĩmro prãi ré asõtõ wa, taha u'âbâ aimama nhimiwaptâ hã wazéb õ wa.