Versículos más leídos de la Biblia Zenezi 28

Compartir

Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Tawamhã Zaco topo'o wamhã, te ãne tinha: “Sena te Uburé Danhib'apito ãmemhã tihâiba. Ãne hã wa hã te aré waihu'u õ di.”

Tawamhã Zaco, tame ma tô 'Re ihâimana u'âsi mono ma sina ropisudu hã 'manha ãne: “A hã ĩsiré aimorĩ da wamhã, za ĩmorĩzém na i'madâ'â pese mono wamhã, duré ĩ'uzazé norĩ mra me ĩma sõmri za'ra wamhã, rowẽ na apâ ĩhâiba ré ĩmama nhorõwa u ĩwisi wamhã, a hã te za Ĩnhib'apito, ĩte 'Re ihâimana u'âsi mono na hã 're aihâimana mo. Ã hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”

Asihudu norĩ hã ti'a zapru ropâ 're ihâimana za'ra mono ne, ahâ uptabi na te za 're hâimana za'ra. Ta norĩ te za hâiwa nhimire niwĩb ãma ro 're ihâimana mono u hã, hâiwa nhimi'e niwĩb ãma ro 're ihâimana mono u hã, bâtâ pusizém niwĩb ãma, ro 're ihâimana mono u hã, duré bâtâ zasizém niwĩb ãma ro 're ihâimana mono u hã te te ropé. Tawamhã ai'u'âbâ, asihudu norĩ u'âbâb zama wa za daro mono bâ uburé 're idahâimana za'ra mono norĩ ma hã, iwẽ te dama 're apisutu.

Tawamhã taha rob ãma 'ri nho'u 're ihâimana mono hã, Rowa'a na isisi hã aré. Tane nherẽ, Zaco hã ma tô isisi na ãma saprĩ, Bétéu na.