Versículos más leídos de la Biblia Zenezi 24

Compartir

Tawamhã ma tô mre ãne: — Uburé Danhib'apito, ĩnhib'apito Abra'ãhã te, 'Re ihâimana u'âsi mono, ma'ãpé uburé marĩ iwẽ na ĩma watobro da, ĩma 'manharĩ. Duré ĩnhib'apito ma, iwẽ si tãma 're 'manharĩ u'âsi mono.

Tawamhã nimahã we imorĩ ma, wa za ãne tãma tinha: “Ma'ãpé ĩzawi na hã â suru na te hâ'rẽne da, piza we ĩma si'ra na.” Duré ãne te te ãma ĩzada'âbâ wamhã asa: “Ã hâ'rẽne pé. Hâ'rẽne parip si, wa za ate awaru ba'õmore norĩ ma zama tãma õb za'ra”, ane wamhã, wa hã wa za waihu'u, aima romhuri'wa Izaquihi mro da, pi'õ ipisutu na hã. Ãne wamhã, wa za waihu'u, ĩnhib'apito ma, iwẽ i'manharĩzém na hã.

Tawamhã Izaqui, 'ri u ina Sara aré 're isãmra mono zéb u, ma tô Rebeca hã saprõ. Ãhã wamhã, ma tô oto ãma timro. Tawamhã Izaqui, Rebeca ma tô te te 're sawi pese. Ãne zarina, ma tô ina dâ'âzém na 're ipẽ'ẽzé mono zé hã sina tãma tipa.

Tawamhã iwẽ hã ma tô Rebecaha ma, pisutu za'ra ãne: “Wahidiba, a hã da'ahâ uptabi 'rata na 're i'aihâimana mono da si, iwẽ hã. Duré asihudu norĩ, tinhitob'ru norĩ te, 'ri nho'õmo ãma hã te te 're i'ai'uté za'ra mono da si, iwẽ hã.”

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'a'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da. Tahawa, te za sô aimo za, ĩnhipti'ai 'rata ãma 're ĩnhamra 'rata mono zéb u, ĩsiwapru 'ra norĩ si tãma 'maipisutu da, ĩ'ra Izaquihi mro da hã.