Versículos más leídos de la Biblia Vakatekivu 27

Compartir

Me solia vei iko na Kalou na tegu ni lomalagi ka vakabulabulataka na nomu vanua, Me vakalevutaka vei iko o koya na sila kei na waini. Me ra qaravi iko na lewenivanua, ka cuva vei iko na veimatanitu. Mo liutaki ira na wekamu, ka me ra cuva vei iko na kawa i tinamu. Ena cudruvi o ira sa cudruvi iko, ka vakalougatataki o ira sa vosa vakalougatataki iko.”

Sa qai kaya o Iso, “Oqo sai karua ni gauna me veidabuitaki au kina o koya. Sa rauta me yacana o Jekope. Sa taura mada na noqu i tutu vakaulumatua, ia oqo sa mai taura tale na noqu i votavota ni veivakalougatataki. O sega li ni vakavotaka tiko e dua na vosa ni veivakalougatataki me noqu?”

Sa qai kaya vua o Aisake, “E segai na tegu mai lomalagi vei iko, E segai na vanua bulabula ka sautu me nomu. O na bula ena nomu i seleiwau, Ia o na qaravi koya na tacimu. Ni kevaka o saqati koya, O na tamusuki tani mai na nona veiliutaki.”

A sa cikevi tamana tikoga o Iso, ka kaya, “Sa duabau ga li na nomu vosa ni veivakalougatataki, i tamaqu? Mo vakalougatataki au talega, tamaqu!” A sa tabalaka na domona o Iso ka tagi.