Versículos más leídos de la Biblia Vakatekivu 2

Compartir

Oqo na vuna ena biuta kina na tamana kei na tinana na tagane ka kabita na watina, erau na yaco me lewe dua ga.

A sa kaya na Kalou o Jiova, “E sega ni vinaka me tiko duadua voli ga na tamata. Au na bulia e dua na nona i tokani me dau vukei koya.”

A sa qai taura eso na soso mai na qele na Kalou o Jiova ka bulia kina na tamata; a sa ceguva ki ucuna na i cegu ni bula; a sa yaco kina me tamata bula.

A sa kaya o Atama, “Sai koya oqo na tiki ni yagoqu dina, na sui mai na suiqu ka lewe mai na lewequ; Ena vakatokai me ‘Yalewa’ baleta ni sa kau mai vua na tagane.”

A vosa vakalougatataka na i kavitu ni siga na Kalou, ka vakatabuya, ka ni a vakacegu kina mai na nona cakacaka ni sa oti na nona veibuli.

Erau sa luvawale ruarua na tagane kei na yalewa, ia erau sa sega ga ni maduataka.