Versículos más leídos de la Biblia Madcos 3

Compartir

Adashic: Nuquin Papan chiacpaden nabanec tabadquid icsho dada cun utsi caquimbic chido cun chibi catanquimbi utsi: Cun ta nec, caimbi, quepanëdash Esus.

Tantia. Abimbo chuinu. Matsesën icsambuen naidtedi tantienquio yec Nuquin Papa bëshunendac. Adecbidi Nuquin Papa icsambuen chuishumbuedëmbi: Ubi bëdambuen ista, Papa, quesho tantiashun aidën icsambuen naid tantienquio yec Nuquin Papa bëshunendac. Padnuen Nuquin Papan Mayan Bëdan namesho issumbi: Icsambo iquec, quequin icsambuen chuishunquid icsho issun aidën icsambuen naid tantiec Nuquin Papa bëshuntiapimbo iquendac. Nëbi bëshunenquio icashic adecbidi iuecash bëshuntiapimbo iquendac. Bëshuntemaid nec, quepanëdash Esus.

Chuiquid tapan nëishshun abëd icquido cumapenen chushcac: Aidbëd ictiapimbo iquebi, quianec cuëshcuëshëdec niqueshun chieshënac aidon chuiquid tapa ictiapimbo iquendac. Adquiecbidi shubu icbo abëd icquido chushcaquin nicash aidobëd shubu abentsëquën bëdambuec tabadtiapimbo iquendac.

Adnubi podobitsi icsa dapuduedaido choquin Esus istuidequi dannëshën sebudec cumapenec sidquec: Nuquin Papan Madombo mibi nec, quec cumapenec cuëdpanëdash.