Versículos más leídos de la Biblia Jayaxihquibo 5

Compartir

Behua behna sca behuacani. Mian tah min jaa quirica bihti hahtipahi. Bihxon tah min quehpentihi. Papa Dios bihxonquin tah min miin jimin jatihibi janinhahbo jonibo bihniqui. Jatihibi joiyahpabo, jatihibi huaca quiha, jatihibi mai quiha tah min jonibo bihniqui, miin jimin copijaquin.

Naconihbo ta Papan carnero qui. Hihti siri hihbo, coshi hihbo, jatihibi jahuabora hihbo, honan hihbo, yonotibo hihbo, shinan hihbo, xaba hihbo, hahqui behuati hihbo siri hihcani, coshin bi res.

Min tah min jato janenihqui, Papan jihuetahbo jaabo janon, jaa bebonxon yohuanxonnicahbo jaahbo. Mainxon ta jano jaibo yonoxonyaxihcanihqui, Papa Dios hahxonquin hihcani, behuahi.

Naihoh jai jatihibichin jato nincanon, main jai jatihibichin nincarihbinon, mai chicho jai jatihibichin nincarihbinon, quebíjistima hiaman cahibaan nincarihbinon, jeneho cahibaan rihbi jatihixonbi nincacanquin. Nincacax: Jahuen jati janinxon noque jihuemahi ta hihti siri qui, jahuen carnero ta hihti siri qui. Jaabo rabe ta shinan hihbo qui, xaba hihbo, jatihibi yonoti hihbo. Jascabi sca quiquin hihbo tah qui hihcani, behuahibo nincacax.

—Huaohihyamahue. Judá baquebo hihxon ta Davidin xohtan noquen rahuibo namanjapaquexon jaa boi pasquexon jahuen quirica quehpenti hahtipahiqui —huesti yononicaton hea jaquin.