Versículos más leídos de la Biblia 1. Samuel 17

Compartir

Dan säd David to dän Filista: Du kjemst no mie met een Schwieet, eenen Spies un eene Schmietstang, oba ekj kom no die en däm Nomen von däm HARN, dee aules rejieet, un dee Gott äwa daut israelitische Häa es, woonen du jetrozt hast.

Un aul dee waut vondoag hia sent, woaren weeten, daut de HAR nich met Schwieet un Spies ons raden woat. De Kaumf jehieet däm HARN, un hee woat mie die en miene Macht jäwen.

De HAR haft mie von de Kleiwen vom Leiw un von de Kleiwen vom Boa jerat, un hee woat mie von disen Filista siene Kleiw raden. Un Saul säd to David: Go, un mucht de HAR met die sennen.

Vondoag noch, woat de HAR mie die en miene Macht jäwen, un ekj woa die dolschlonen un die dän Kopp auf schnieden. Ekj woa de Doodes von de Filista äa Häa no de Väajel un wille Tieren jäwen. Un aule Menschen woaren weeten, daut doa een Gott en Israel es.

Dan neem David sienen Hoadsstock enne Haunt, un laus sikj fief glaute Steena opp en de Jlad. Hee stopt sikj de Steena en siene Hoadstausch, un met sien Schleida enne Haunt jinkj hee däm Filista entjäajen.

Un David säd to Saul: Kjeena sull sikj fa disen Filista enjsten. Ekj woa gonen met däm kjamfen.