Ekj mott dän selwjen Wajch gonen aus daut opp de Ieed bestemt es. Sie mootich un stal dien Maun. Hool daut, waut de HAR dien Gott die jebeeden deit. Schekj die to sienen Wajch, un hool siene Jesazen, Jebooten, Väaschreften, un Aunordnungen, soo aus dee en Moses sien Jesaz jeschräwen stonen. Dan woat die aules goot utkomen, waut du deist un wua du han jeist. Wan du daut deist, dan woat de HAR sien Vespräakjen, daut hee mie jejäft haft utfieren. Hee säd: Wan diene Säns doano seenen woaren, daut see mie von Hoat un Seel tru bliewen, dan woat daut nich väakomen daut nich eena von miene Nokomen woat Kjennich äwa Israel sennen.