Versículos más leídos de la Biblia 1. Chronik 28

Compartir

Un du, mien Sän Salomo, doo däm HARN, waut dien Voda sien Gott es, emma bäta kjanen lieren! Un deen am met een onjedeeldet Hoat un met eene welje Seel. Wiels de HAR forscht jieda Hoat ut un vesteit aulet sträwen un trachten von de Jedanken. Wan du am sieekjen woascht, woascht du am finjen. Wan du die oba von am wajch dreien woascht, woat hee die fa emma vesteeten.

Un David säd to sienen Sän Salomo: Go mootich un met een faustet Väanämen aun dise Oppgow naun! Fercht die nich un lot die nich schrakjen! Wiels de HAR, mien Gott, de Aulmajchtja, woat met die sennen un woat siene Haunt nich trigjtrakjen un die nich veloten, bat du aul de Woakjen fa dän Deenst en däm HARN sien Hus foadich hast.

Denkj doaraun: De HAR haft die jewält, daut du een Hus aus Heilichtum buen saust. Go jetroost aum Woakj un fia daut derch!