Versículos más leídos de la Biblia 1. Chronik 16

Compartir

Froacht no däm HARN un no siene Macht, sieekjt siene Jäajenwuat aulen Tiet!

Dankt däm HARN, wiels hee es frintlich, un siene truhoatje Leew hieet niemols opp!

Dankt däm HARN, roopt sienen Nomen aun, moakt siene Doten ver aule Velkja bekaunt!

Veharlicht sienen heiljen Nomen; siet en jun Hoat voll Freid, jie waut däm HARN sieekjen!

Denkjt aun siene Wunda, waut hee jedonen haft, aun siene Tieekjens un aun de Jerechts Uadeelen waut hee utjesproaken haft

Sinjt un loft am, un rät von aul siene Wunda!

Wiels de HAR es groot un sea to lowen, un mea to ferchten aus aule Jetta.

Brinjt däm HARN de Iea, waut sienen Nomen traft, brinjt am june Opfagowen! Doot junt ver am han schmieten, wan hee sikj en siene Heilichkjeit openboat!

Huage Pracht es runtom am, von Macht un Freid es siene Woninj voll.

Lot de Menschen von de gaunze Ieed, fa däm HARN sinjen, un moakt aule Dach bekaunt daut hee rat!

Vetalt de Velkja woo harlich hee es, un aule Velkja von siene Wunda!

Doot miene enjesade Deena nuscht aun, un doot miene Profeeten kjeen Schoden!

Aule Velkja äare Jetta sent doodje Jetta, de HAR oba haft dän Himmel jemoakt.

Denkjt emma aun sienen Bunt met ons! Siene Jesazen jellen 1.000 Jennerazionen.

De Himmel saul sikj freien, un de Ieed saul froo sennen, un sajcht aule Menschen: De HAR es Kjennich!

Jeloft best du HAR, Israel äa Gott, von Eewichkjeit bat Eewichkjeit! Un aul daut Volkj säd: Amen! Un: Loft dän HARN!

Moakt junt opp nom HARN, jie Velkja! Bewiest däm HARN, daut jie am ieren, un unjaordnet junt siene Macht!