Versículos más leídos de la Biblia Mga Salmo 119

Compartir

Ang imong pulong maoy suga nga magtultol kanako ug maoy kahayag sa akong agianan.

Giampingan ko ang imong balaod sulod sa akong kasingkasing aron dili ako makasala kanimo.

Unsay buhaton sa usa ka batan-on aron magmaputli ang iyang kinabuhi? Pinaagi sa pagtuman sa imong mga sugo.

Bulahan sila nga nagtuman sa iyang mga sugo, ug sa kinasingkasing nagsimba kaniya.

Ikaw ang akong manlalaban ug tigpanalipod; naglaom ako sa imong saad.

Pasabta ako sa imong balaod ug tumanon ko kini; ampingan ko kini sa bug-os kong kasingkasing.

Hatagi akog gugma sa pagtuman sa imong mga balaod, dili gugma sa salapi.

Maayo ra nga gikastigo mo ako kay pinaagi niini makat-onan ko ang imong mga sugo.

Bisan sa akong pag-antos nalipay ako kay ang imong saad naghatag man kanakog kinabuhi.

Tudloi ako sa pagsunod sa imong kasugoan, kay anaa niini ang akong kalipay.

Tudloi ako, O GINOO, sa kahulogan sa imong mga balaod, ug tumanon ko kini kanunay.

Naluya ako tungod sa kaguol; lig-ona ako sumala sa imong gisaad.

Gihigugma ko gayod ang imong balaod! Namalandong ako niini sa tibuok adlaw!