Versículos más leídos de la Biblia Isaias 6

Compartir

Unya nabati ko ang tingog sa GINOO nga nag-ingon, “Kinsa may akong ipadala ug kinsa man ang moadto alang kanamo?” Busa miingon ako, “Ania ako. Ipadala ako.”

Miingon sila sa usag-usa: “Balaan, balaan, balaan ang GINOO nga Labing Gamhanan; nalukop ang tibuok yuta sa iyang himaya.”

Ug miingon ako, “Pagkaalaot ko! Wala akoy paglaom kay daotan ang mga pulong nga mogula sa akong mga ngabil ug nagpuyo ako taliwala sa katawhan kansang mga pulong daotan. Apan nakita ko ang Hari, ang GINOO nga Labing Gamhanan!”

Sa tuig nga namatay si Hari Uzias, nakita ko ang GINOO nga naglingkod sa usa ka trono, habog ug mahimayaon, ug ang iyang bisti milukop sa Templo.

Gipadapat niya kini sa akong ngabil ug miingon siya, “Nakatandog kini sa imong ngabil busa wala ka nay sala; gipasaylo ka na.”

Sa ibabaw niya nagbarog ang mga serapin. May unom ka pako ang matag usa kanila; gitabonan nila ang ilang nawong sa duha nila ka pako ug ang ilang tiil sa lain nilang duha ka pako samtang ang lain pang duha ka pako gigamit nila sa paglupad.

Unya milupad padulong kanako ang usa sa mga serapin nga nagdalag baga nga gikuha niya pinaagig kumpit gikan sa halaran.

Ug miingon siya, “Lakaw ug sultihi kining mga tawhana: ‘Bisan unsaon ninyog pamati, dili kamo makasabot. Bisan unsaon ninyog tan-aw, dili kamo makaalinggat unsay nahitabo.’

Pagahia ang mga kasingkasing niining mga tawhana; himoa silang bungol ug buta aron dili na sila makadungog o makakita o makasabot kay tingalig mobalik sila kanako ug mamaayo.”