Versículos más leídos de la Biblia رِسَالَةْ تِيمُوتَاوُسْ التَّانِيَّة 4

Compartir

رَانِي دْرْتْ جْهْدِي وْكَافْحْتْ مْزْيَانْ، وْكَمّْلْتْ اللِّي عْلِيَّ، وْحَافْضْتْ عْلَى الْإِيمَانْ،

بَاشْ تْخَبّْرْ بْكْلَامْ اللَّهْ، وْتْكُونْ مُوجُودْ فْالْوَقْتْ اللِّي مْنَاسْبْ وْاللِّي مَا مْنَاسْبْشْ، وْبَاشْ تْخَاصْمْ، وْتْنَبّْهْ وْتْشَجّْعْ بْالصّْبَرْ الْكْتِيرْ وْنْتَ كَتْعَلّْمْ.

حِيتْ غَيْجِي وَاحْدْ الْوَقْتْ مَا غَيْسْتَحْمْلُوشْ فِيهْ النَّاسْ التَّعْلِيمْ الصّْحِيحْ، وَلَكِنْ غَيْتْبْعُو الشَّهَوَاتْ دْيَالْهُمْ، وْغَيْضُورُو بِيهُمْ مُعَلِّمِينْ غَيْݣُولُو لِيهُمْ دَاكْشِّي اللِّي بْغَاوْ يْسَمْعُوهْ. وْغَيْسَدُّو وْدْنِيهُمْ عْلَى الْحَقّْ، وْغَيْتْبْعُو الْخْرَايْفْ.

وَلَكِنْ نْتَ، كُونْ مْوَݣّْضْ فْكُلّْ حَاجَة، وْصْبَرْ لْلْعْدَابْ، وْدِيرْ الْخْدْمَة دْيَالْ الْمُبَشِّرْ، وْكَمّْلْ الْخْدْمَة دْيَالْكْ.

وْدَابَا رَاهْ كَيْتّْسْنَّانِي تَاجْ التَّقْوَى اللِّي غَيْعْطِيهْ لِيَّ فْدَاكْ النّْهَارْ، الرَّبّْ اللِّي كَيْحْكَمْ بْالْعَدْلْ، وْمَا غَيْعْطِيهْشْ لِيَّ غِيرْ أَنَا، وَلَكِنْ لْݣَاعْ هَادُوكْ اللِّي مْشْتَاقِينْ لْلرّْجُوعْ دْيَالُه.