Versículos más leídos de la Biblia تكوين 26

Compartir

وَ لَاكِنْ هَسَّعْ أَسْكُنْ فِي الْبَلَدْ دِي وَ أَنَا نُكُونْ مَعَاكْ وَ نِبَارِكَكْ. وَ نَنْطِي الْبُلْدَانْ دَوْل لَيْك إِنْتَ وَ لِذُرِّيّتَكْ وَ نِتِمّ الْكَلَامْ الْأَنَا حَلَفْت بَيَّهْ لِأَبُوكْ إِبْرَاهِيمْ.

وَ أَنَا نِسَوِّي ذُرِّيّتَكْ كَتِيرَةْ مِثِلْ نُجُومْ السَّمَاءْ. وَ نَنْطِي الْبُلْدَانْ دَوْل لِذُرِّيّتَكْ. وَ بِذُرِّيّتَكْ إِنْتَ، كُلَّ أُمَمْ الْأَرْض يَلْقَوْا بَرَكَةْ. أَشَانْ إِبْرَاهِيمْ تَابَعْ كَلَامِي وَ طَبَّقْ أَوَامِرِي وَ وَصِيَّاتِي وَ قَوَانِينِي وَ تَعْلِيمِي.»

وَ إِسْحَاقْ حَوَّلْ مِنْ الْبَكَانْ دَا وَ حَفَرْ بِيرْ آخَرَةْ وَ فِي الْمَرَّةْ دِي، مَا هَرَجَوْه فَوْقهَا. وَ سَمَّى الْبِيرْ دِي رَحُبُوتْ (مَعَنَاتَهْ الْوَسَعَةْ). وَ قَالْ: «هَسَّعْ دَا، اللّٰهْ جَمَّانَا وَ نَقْدَرَوْا نِزِيدُوا فِي الْأَرْض.»

وَ اللّٰهْ بَانْ لِإِسْحَاقْ وَ قَالْ: «مَا تَمْشِي فِي بَلَدْ مَصِرْ لَاكِنْ أَسْكُنْ فِي الْبَلَدْ النِّوَصِّفْهَا لَيْك.

وَ فِي الْبَكَانْ دَا، إِسْحَاقْ بَنَى مَدْبَحْ وَ سَأَلْ بِأُسُمْ اللّٰهْ. وَ بَنَى فَرِيقَهْ وَ خَدَّامِينَهْ حَفَرَوْا بِيرْ.