Versículos más leídos de la Biblia Laawiyiin 26

Compartir

Wa nuruukh fi usutku wa nabga Ilaahku wa intu tabgo chaʼabi.

ana ninazzil leeku al-matar fi waktah wa l-ard tanti intaajha wa chadar al-kadaade kula yanti fawaakihha.

«Wa kan taabaʼtu churuuti wa hafadtu wasiiyaati wa tabbagtuuhum

«Wa nijiib al-salaam fi l-balad wa tunuumu wa ma fi cheyy yibarjil noomku. Wa niwaddir min al-balad al-haywaanaat al-fasliin wa l-seef ma yuchugg baladku.

«Wa ana niwajjih aleeku wa nisawwiiku taldo wa tiziidu wa nisabbit maʼaaku muʼaahadaati.

Wa ana Allah Ilaahku al-maragtuku min balad al-Masriyiin le ma tabgo abiidhum wa ana bas al-kassart al-daami al-fi rigaabku wa khalleetku maachiin raasku marfuuʼ.

Wa ana nukhutt maskani fi usutku wa ma nakrahku.

«Ma tasnaʼo leeku ilaahaat wa la tukhuttu asnaam wa la tukhuzzu hujaar le l-ibaada wa la tamaasiil hana hujaar. Ma tukhuttuhum fi baladku wa tasjudu giddaamhum. Achaan ana bas Allah Ilaahku.

Wa taakulu min intaajku al-gadiim wakit tawiil lahaddi tamurgu intaajku al-gadiim le tudummu al-jadiid.

Wa minku intu, 5 yaturdu 100 naas wa 100 yaturdu 10 000 naas. Wa udwaanku yumuutu be l-seef giddaamku.

Wa fi bakaanku, wakt al-daggiin yamchi lahaddi l-gatiʼ wa l-gatiʼ lahaddi l-teeraab. Wa taakulu min maʼaachku lahaddi tachbaʼo wa taskunu fi baladku be amaan.

Wa intu titaarudu udwaanku wa humman yumuutu be l-seef giddaamku.

Ahfado yoomi hana l-sabt wa ahtarumu beeti al-mukhaddas. Wa ana bas Allah.