Versículos más leídos de la Biblia Khuruuj 10

Compartir

Wa baʼad da, Allah gaal le Muusa : «Amchi le l-malik achaan ana bas gawweet ruuseehum hu wa khaddaamiinah le nisawwi ajaaybi fi usuthum. Wa be da, inta tagdar tihajji le iyaalak wa le iyaal iyaalak be l-taʼab al-ana jibtah fi l-Masriyiin wa ajaaybi al-sawweethum fi baladhum. Wa be misil da, taʼarfu kadar ana bas Allah.»

Wa baʼad da, Allah gaal le Muusa : «Arfaʼ iidak ale l-sama wa dalaam azrag kurum yikhatti balad Masir. Kan naadum yichiifah, yuguul al-dalaam da misil yilammisah.» Wa Muusa rafaʼ iidah ale l-sama wa khalaas, dalaam azrag kurum khatta balad Masir muddit talaata yoom. Wa fi l-talaata yoom dool, al-Masriyiin ma gidro yichchaawafo ambeenaathum wa naadum waahid kula ma gidir yamrug min beetah. Wa laakin fiyah deyy fi l-bakaan al-saakniin foogah Bani Israaʼiil.

Wa khalaas, Muusa madda asaatah foog al-balad wa Allah jaab riih min al-sabaah wa l-riih saagat tuul al-nahaar wa tuul al-leel. Wa ambaakir be fajur, al-riih jaabat al-jaraad. Wa l-jaraad mala kulla balad Masir wa ansabba fi ayyi bakaan be katara. Wa cheyy misil da abadan ma kaan fi turaab Masir wa battaan ma yukuun.