Versículos más leídos de la Biblia Pr 2

Compartir

A Jehová a tz'a'n qui jelnal, a spaxti tz'a'n cojcoc 'el wach' nab'enal.

Ach wunnal, 'a'ch jun tzo'n̈ in paxti tic 'a a c'ojol, tza moln can jun in checnb'il tic 'a a nab'en. 'A'ch wal a chicn 'a yic jelnal, 'ac' ep a nan 'eli. C'an a jelnal yet' a wach' nab'enal 'a smasnil a c'ojol. 'Ac' a tiempo a sayn 'ec' jelnal, 'icha tz'aj sayx 'ec' q'uen plata, mto junc ricoal to c'ub'b'il 'eli. 'Ixta wal 'oj 'aj snachj 'el o'oj tas tzach 'aj och yiclumal 'a Jehová, 'ixta pax 'oj otc ojcan 'el Dios cha.

A Jehová tzcolwj 'a eb' wach' snab'en, atn eb' tzb'ey 'a stojlal. Tztan̈wx eb' wach' sb'eyb'al yu'uj, atn eb' yiclum tzyutj sb'a 'a 'a.

A eb' tojl sb'eyb'al cha, eb' matz ya'ch sb'a 'a scal maysch'olnil, caw najtl 'oj 'ec' cajn eb' 'a sat lum lum tic. Ax eb' tu sb'eyb'al, yet' eb' 'ixtm 'anma', 'oj 'ijxoc 'el eb' 'a sat lum lum tic, 'icha tzyac' junc te te tzto'x q'ueta.

Toto tza b'eylb'ej jelnal yet' wach' nab'enal, caw 'oj ach scol-l 'a yol sc'ab' 'ix 'ix 'ay yichmil, atn 'ix 'ajmul 'ix tzach montn yet' jun tzo'n̈ spaxti caw wal wach'. A 'ix 'ix tzyactj can yichmil yijnac sb'a yet' 'a yic cob'sal, man̈xtzac sna cot 'ix sti ya'jnac can 'a sat Dios.