Versículos más leídos de la Biblia Pr 14

Compartir

'Ay wal b'eyb'al caw wach' qui nanec, palta ax 'a slajub', a 'a chaml tzon̈ yijec 'ati.

Toto junc'ojlaln̈ej cajec, caw wach' qui c'ojlec, ax toto 'ay qui chichnc'ojlalec, caw tzc'uxx 'ejm qui b'aclec yu'uj.

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

A 'ix 'ix jeln snab'en, caw tzb'o 'ix yol yatut, ax 'ix may snab'en, ton̈j tzwach' 'a'j lajwc 'ejm yol yatut cha.

Toto 'ay yel'ch Jehová 'a qui satec, caw te'n cajc tzyal cha, to 'ixta', 'oj stac' pax scoln sb'a eb' cunnalec.

Toto 'ay yel'ch Jehová 'a qui satec, caw 'ay qui q'uinlec, tzon̈ 'ijxec 'el 'a yol sc'ab' chaml yu'uj.

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.