Versículos más leídos de la Biblia Pr 10

Compartir

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

A eb' niwn tas tzyala, tz'och smul eb' 'a scal spaxti cha; ax eb' jab' wal tas tzyala, caw 'ay snab'en eb'.

A eb' 'ay schichnc'ojlal, caw tzsay eb' tas tz'aj spitzw chan̈ owal, ax eb' 'ay schamc'ojlal, tzya'n̈j eb' niwnc'ojlal yuj tas tz'aj yixtxi.

A eb' matz nib'j munljoc sb'a, 'oj 'och eb' meb'a'il, ax eb' tzmunlj si'mb'il, 'oj 'och eb' ricoal.

A eb' tzchan 'ab'nc tennb'ilal, 'oj 'ilchjoc sq'uinl eb' yu'uj; ax eb' matz chan 'ab'noc, 'oj satl eb'.

A eb' wach' sb'eyb'al, may 'aj 'oj xiw eb'; ax eb' tu tzyutj sb'a, 'oj jawc 'a yib'n̈ eb'.

A eb' 'ay yel'ch Jehová 'a sat, caw 'oj najtxb'oc sq'uinl eb', ax eb' maysch'olnil sb'eyb'al, 'oj tzu'xoc sq'uinl eb'.

A Jehová matz chaj jawc wejl 'a yib'n̈ eb' wach' sb'eyb'al, palta ax eb' maysch'olnil sb'eyb'al, matz tzchaj yac' eb' sgana yet' tas tznib'j cha.

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.