Versículos más leídos de la Biblia Ex 9

Compartir

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Xlajw cha, xyaln Jehová 'ixtc 'a Moisés: —'Ixc 'at 'ilt pax win rey cha, tzaln 'a 'ixtic: A Jehová qui Diosal an̈ israel on̈ tic on̈, a tzaln 'ixtc 'ayach: Chaj 'at eb' in chon̈b' tic, yic tz'at ya'nc eb' 'emmquilal 'ayin.

Toto tzyal in c'ojol, tztac' in ch'oxn in poder 'ayach, tzwa'ch yailal 'a eb'an̈, yet' 'a yib'n̈ smasnil 'anma 'a jun nacion̈ tic, tztac' tzex in satl 'a sat lum lum tic.

'oj cot wowal, ax wa'n cot syab'il e cajb'en noc' ax 'aj Egipto ex tic. 'Oj cham smasnil no chej, no wacax, no cameyo, no b'uru, no calnelu yet' no chiwo. Cojn no e cajb'en noc' chi 'oj chamoc, ax pax no scajb'en noc' eb' israel, may junc no 'oj chamoc, xchi Jehová, xa chi, xchi Dios.

Yuj cha, q'uic'an yab'n wal 'icha hora tic, ax wa'n 'ejm q'uen sacb'at 'a yib'n̈ jun chon̈b' tic, jun niwquil sacb'at to mant 'a 'aj tzyac' xon 'a yictax yel yich sb'o chon̈b' Egipto tic. Yuj cha, 'a'c 'och smasnil no e cajb'en noc' 'a yol yet'ul, yet' smasnil tas 'ay 'a scal e munljel. 'A'c molxoc, yujto a yic 'oj jawc q'uen niwc sacb'at cha, smasnil no noc', smasnil 'anma', toto ma'oj 'och 'a yol yet'ul, 'oj cham yuj q'ue'en, xchi Dios.

'Oj 'och jun tan̈ chi poccal, 'oj pucb't 'a yol smasnil smacb'en Egipto tic, ax spitzw chan̈ yab'il 'a smasnil 'anma', yet' 'a no noc' yuj q'uen tan̈ cha, xchi. Xlajw yab'n Moisés yet' Aarón jun cha, 'ix 'at eb' 'a jun jorna 'at yi' cot q'uen tan̈ cha. Xlajw cha, 'ix 'atx eb' 'at yil win rey cha. Ax yic 'ix c'och eb' 'a winac, 'ix stzicn chan̈ Moisés q'uen stan̈il c'ac' chi 'a yojltac win rey cha. Yajn̈j wal cha, 'ix 'el-l yaxc'a yab'il 'a sniwnal smasnil 'anma', yet' 'a smasnil no noc'.