Versículos más leídos de la Biblia Josué 1

Compartir

Akine in chin k'mante teya tu'n tten tipuna ex cyuwx tc'u'ja. Mi'n xoba ex mi'n baj tc'u'ja, porque akine Tmana aju Tdiosa chin tele tuc'ila nok jatumchak cxe'la, chi Dios te Josué.

Cucx yolina ti'j ju yol tz'iban tuj libro te nleye, ex ximana ti'j k'ijl ex konic'an, tu'ntzun tbinchanteya aju in tma'n. Ka ma bant tu'na icju, tcyakilju cbantel tu'na ba'n c'elel.

O'cx cxel nma'ne teya tu'n tten nimxix tipuna ex cyuwx tc'u'ja, ex tu'n tjapun tu'na tcyakilju ley xi tk'o'n nmajene Moisés teya; japunx tu'na ex mi'n tz'el tpa'n tiba ti'j, tu'ntzun tel ba'n tcyakilju cbantel tu'na.

Mi a'l jun cbel ti'ja tu'n tuj tcyakil k'ij oc ttena twitz tx'otx'; akine chin tel tuc'ila ic tza'n in tene tuc'il Moisés; mlayx tz'el npa'n wibe ti'ja ex mlay cyaj ncolina.

Tenx tipuna ex cyuwx tc'u'ja. Aya cbel sipante cytx'otx' ke xjal lu, aju cyetzbil xi ntziyane cye cyxe'chel.

Tcyakil tx'otx' jatum cbajel cybetine cxel nk'o'ne cyeye, ic tza'nx o txi ntziyane te Moisés.

Ma cyim nmajene Moisés, atzun ja'lo aya cxel uc'inte cye aj Israel, tu'n cypon max jlajxi nima Jordán tuj tx'otx' cxel nk'o'ne cye.

Tcyimlenxitzun Moisés aju tmajen Dios, o yolin Kman tuc'il Josué aju onil te Moisés ex tcy'ajal Nun, ex chi Kman te cyja'

Aju tmojonil cytx'otx'e ctzajel ke' max ttxa'n tzkij tx'otx', tu'n tpon baj tuj tiwitz tx'otx' Líbano; ex tu'n ttzaj ke' jatum ta' nima Éufrates tuc'ix tcyakil cytx'otx' aj Hetey, ex cpol baj ttzi Nintz Mar tuj telex k'ij.

Ka at jun ma tzic' tibaj tyola, ex ka minti' ma txi nimana tu'n, il ti'j tu'n tcyim. Nok o'cx kajbile tu'n tten tipuna ex cyuwx tc'u'ja, che chi.

Cyxi'ye cyxol cycyakil xjal ex cymanxe cye tu'n tbant tten cywa tu'n t-xi cyi'n tuj cybe, porque tuj ox k'ij ja'lo ko ic'ex tuj nima Jordán tu'ntzun kc'monte aju tx'otx' tzul tk'o'n Kman Dios te ketzbil.