Versículos más leídos de la Biblia Ro 14

Compartir

Roma, ri rajawaren ri Dios man wa'in y qumuj ta. Ri nik'atzin ja ri niqak'uaj jun k'aslen choj y k'o uxlanen y kikoten pa taq qánima roma k'o ri Loq'olej Espíritu qik'in. Y wi rik'in re' niqasamajij ri Cristo, yojqa' k'a chuwech ri Dios y chuqa' chikiwech ri winaqi'.

Roma ri' rokik k'a k'o na qak'aslen chuwech re ruwach'ulew, rik'in ri qak'aslen kan niqaya' ruq'ij ri Dios. Y keri' chuqa' toq yojken, rik'in ri qakamik kan niqaya' ruq'ij ri Dios.

Roma ri' tiqatija' k'a qaq'ij chi man jun ta oyowal chiqakojol y niqakuquba' ta qak'u'x chiqachibil-qi'.

Roma ri' man chik qojch'on itzel chirij jun qach'alal. Ri nik'atzin chi niqaben ja ri tiqatija' qaq'ij richin man niqaben chire jun qach'alal chi nitzaq o nimakun.

Toqaqa chi'ik'u'x ri nubij chupan ri ruch'abel ri Dios ri tz'ibatel kan toq nubij:*f50* Xinjikiba' nutzij chi chinuwech yin xkexuke' konojel winaqi', y konojel xtikijikiba' kitzij pa nubi' yin, nicha'. Y keri' niqatz'et chi napon-wi ri q'ij toq chiqajujunal xqojapon chuwech ri Dios.

Ri qach'alal ri man kan ta kikuquban kik'u'x rik'in ri Cristo, nik'atzin chi yeqak'ul. Jak'a man keqak'ul xaxe richin niqaben oyowal kik'in roma ri kich'obonik.

Roma ri' man jun k'a tich'on itzel chirij jun chik qach'alal y nubij chi man utz ta ri rubanobal. Roma ri qach'alal ri' chuqa' rusamajel ri Dios. Y ja rija' ri nibin wi utz ri rubanobal o xa man utz ta. Y ri qach'alal ri' kan man xtitzaq ta, roma kan ja ri Dios ri nito'on richin.