Versículos más leídos de la Biblia Apocalipsis 1

Compartir

Ja yin ri rutikeribel y ri ruk'isibel, nicha' ri qajaw ri k'o ronojel uchuq'a' pa ruq'a', ri kan k'o-pe pa rutikeribel, k'o chuqa' re wakami y kan xtipe chik.

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Kan jebel k'a ruwa-ruq'ij ri nisik'in, y kan jebel ruwa-kiq'ij ri ye'ak'axan ri tz'ibatel kan chupan re wuj re' pa ruwi' ri peteneq y nikinimaj. Roma kan naqaj chik k'o-wi ri Q'ij chi xkebek'uluwachitej ronojel ri etz'ibatel kan.

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Roma ri Cristo kan xtipe na wi pa sutz' y qonojel xqojtz'eton richin, chuqa' ri winaqi' ri xeya'on richin pa kamik kan xtikitz'et. Kan konojel winaqi' ri ek'o chijun ruwach'ulew xke'oq' toq xtikitz'et rija'. Ja', kan keri' wi xtibanatej.