Jak'a yin kan xtinya' ruq'ij ri Jehová, roma rija' kan pa ruchojmilal nuq'et-tzij,
Kan xtinbixaj k'a ri rubi' ri nimalej Jehová.

Ri nutobal yin, kan ja ri Dios,
ri Dios ri nikolon kichin ri choj yebiyin.

Ri Dios kan jun choj q'atoy-tzij,
rija' jantape' nrixowaj ri mak.

Tik'is k'a wakami ri ketzelal ri aj-maki' y takolo' ri choj ruk'aslen,
roma rat at jun Dios choj,
y kan nanik'oj ri ránima y ri ruch'obonik ri wineq.

Jehová nu-Dios, awik'in rat nukuquban nuk'u'x.
Kinakolo' k'a pa kiq'a' ri e yakatajineq chuwij.

Versículos más leídos de la Biblia Sal 7

Planes y devocionales gratis relacionados con Sal 7