Versículos más leídos de la Biblia Ef 6

Compartir

Roj man kik'in ta winaqi' niqaben-wi labal, xa kan kik'in ri itzel taq espíritu ri k'o kuchuq'a' y k'o q'atbel-tzij pa kiq'a', espíritu ri q'equmatajineq ri kik'aslen y chuqa' itzel taq espíritu ri ek'o pa kaq'iq'.

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

Kan tibana' k'a achi'el nuben jun aj-labal, ri richin nuto-ri', k'o ch'ich' ri yerukusaj richin rutobal. Y rix richin nito-iwi' chuwech ri Itzel-Wineq, tikusaj k'a ronojel ri ruya'on ri Dios chiwe richin itobal.

Roma ri' tikusaj ronojel ri ruya'on ri Dios chiwe richin itobal; richin keri' kan yixtikir yixkoch'on toq xtipe ri q'ij richin etzelal. Y toq inaban chik iwi' jebel kan kow k'a kixk'oje' y man titzolij iwi' chiwij.

Kan tipaba-iwi' chuwech ri Itzel-Wineq ri jantape' yojruneq, ri achi'el xa ta nuk'eq ch'ab rik'in q'aq' chiqij. Kan tikusaj ri kuqubabel-k'u'x achi'el jun tobel. Kan tikusaj k'a ri ikolotajik achi'el jun rutobal ijolon. Y ri ruch'abel ri Dios, tibana' chire chi achi'el jun espada, ri xya'ox chiwe roma ri Loq'olej Espíritu.*f8*

Roma ri', kow k'a kixpa'e'.*f7* Tikusaj ri qitzijri'il richin nito-iwi', achi'el nikusaj ri ximibel ipan. Tikusaj ri ruchojmilal achi'el nikusaj ri tobel ruwa-ik'u'x. Jantape' tinaba-iwi' richin nibij ri utzilej ch'abel richin kolotajik, achi'el toq ikusan chik ri ixajab richin yixbe.

Y pa ruk'isibel ninbij k'a el chiwe wach'alal, chi kan tikanoj k'a iwuchuq'a' rik'in ri Dios, roma rik'in rija' kan nim wi uchuq'a' k'o.

Chupan ri ruch'abel ri Dios nubij*f6* chi tiya' kiq'ij ri ite-itata'. Y jare' ri nabey pixa' ri k'o nusuj. Y wi niben keri', ri Dios nuya' k'iy juna' ik'aslen chuwech re ruwach'ulew, y janila k'iy urtisanik ri xtik'ul.

Rix alk'ualaxela' pa rubi' ri Dios ninbij chiwe chi tinimaj kitzij ri ite-itata', roma keri' ruk'amon chi niben.