Versículos más leídos de la Biblia Col 2

Compartir

Y roma kan ik'ulun chik ri Cristo Jesús, kan tik'uaj k'a jun k'aslen utz rik'in rija'. Rix kan ix tikil k'a rik'in ri Cristo, y chiri' ix paban-wi-pe achi'el nipabex jun jay pa ruwi' ri ruxe'. Kan ta kuqurineq ik'u'x rik'in, achi'el ri xiwetamaj toq xik'ul ri tijonik. Y beneq ta ruwech nik'oje' matioxinik pa taq iwánima.

Kan tichajij k'a iwi' richin chi man yixq'olotej pa kiq'a' winaqi' ri xa jun wi chik tijonik kik'uan, stape' jebel ok yeq'alajin. Xa kik'in winaqi' peteneq-wi; xa richin re ruwach'ulew y man rik'in ta ri Cristo peteneq-wi.

Ri rubanon kan, xa ix kaminaqi' chupan ri imak y xiben ri itzel taq irayibel. Jak'a re wakami kuyutajineq chik ri imak y rik'in ri' ri Dios xuben chiwe chi junan xixk'astej rik'in ri Cristo. Ri rubanon kan, qonojel roj qoyoben chi niqaqa ta ruk'ayewal pa qawi', roma man xojtikir ta xqaben ronojel ri nubij chupan ri pixa' richin ri Dios. Jak'a ri Dios xojrukol chuwech ri ruk'ayewal ri'. Keri' xuben roma ri Cristo xbajix chuwech ri cruz qoma roj.

Ronojel ri rubanikil ri Dios, rik'in ri Cristo nilitej-wi. Rix kan k'o chik ri Cristo pa taq iwánima y xaxe rija' ri nitz'aqatisan ri ik'aslen. Ja rija' ri k'o pa kiwi' ri ángel, y ri k'o uchuq'a' pa kiq'a' ri ek'o pa kaq'iq'.

Roma xik'ul ri kolotajik rik'in ri Cristo, man jun k'a tich'on itzel chiwij rix, roma ri nitej, ri niqum, ri man nichajij ta ri q'ij toq nalex ri ik', ri q'ij richin uxlanen y ri ch'aqa' chik nimaq'ij. Ronojel re' kan xaxe jun retal richin ri k'o chi xpe y ri' ja ri Cristo.