Versículos más leídos de la Biblia TEĒ 7

Compartir

Anī Kɔ́ɔ̄ɓē əda Moijə na: Á̰a̰ā̰, m-ə̄ndāī i nə́ɓā yā Parao̰ tə́ ō, m-ə̄ndā ngōkó̰ó̰í Aaro̰ i nge koō ta yāí tə́ ō.

M-ā m̄-rāā kadə̄ Parao̰ a rāā dɔ ngan̄g. M-ā m̄-rāā yá̰á̰ kə́ yáā gə̄ ō, kə́ to kɔr kum gə̄ ō, ngá̰ý dɔ nang kə́ Ejiptə tə́, banī Parao̰ a oō najə̄ yāsí alé. M-ā m-ə́nda ɓē kə́ Ejiptə kənda kə́ kadə̄ əla ɓōĺ kem de gə̄ tə́ ō, kadə̄ ɓē kə́ Ejiptə gerə̄ń gō tɔ́gə́ḿ ō, ba ngán Israel gə̄ ń i gír deē yāḿ gə̄ ní tá m-ā m-ə̄ndādə́ kə gō naá majə yā teēń sedə́ kɔ̄ɔ́ dɔ nang kə́ Ejiptə tə́.

Ré m-ə́la jīḿ kə̄ dɔ de kə́ Ejiptə gə̄ tə́ m̄-rɔ̄ɔńdə́ ba m̄-teē kə ngán Israel gēé kem ɓē yādə́ tə́ kɔ̄ɔ́ anī, kumdə́ a teē adə̄ a gerə̄n̄ kadə̄ mā i Kɔ́ɔ̄ɓē.

Ɓáa Parao̰ ɓāŕ ngé kum kedə̄ gə̄ kə ngé bógə̄rō de gə̄ kə́ Ejiptə tə́ adə̄ reē rāān̄ tītə̄ ń noō ō, kə kəga yādə́ gēé. Nin̄-tə́nān̄ kāgə̄ yādə́ gə̄ kógə̄ḿ kógə̄ḿ kə dɔdə́ gēé, anī kāgə̄ gə̄ ní télən̄ lī gə̄. Banī kāgə̄ yā Aaro̰ túr̄ kāgə̄ yādə́ gə̄ kemən tə́ malang.

adə̄ Kɔ́ɔ̄ɓē əda na a ger̄ kadə̄ ni i Kɔ́ɔ̄ɓē. Na n-a n-ənda man̄ bā kə kāgə̄ ń jīn tə́ noō kadə̄ a téĺ mósə.

ré Parao̰ mēr̄də́ rāā yá̰á̰ kógə̄ḿ kə́ to kɔr kum anī, kə Moijə kə əda Aaro̰ kadə̄ un kāgə̄ yān kə ənī nang tə́ no Parao̰ tə́. Kāgə̄ ní na a tél lī. Moijə nin̄ kə Aaro̰ aw̄n̄ rɔ̄ Parao̰ tə́ ba rāān̄ tītə̄ ń Kɔ́ɔ̄ɓē ədańdə́ ní. Aaro̰ ənī kāgə̄ yān nang tə́ no Parao̰ tə́ ō, no ngé kəla yān gə̄ tə́ ō, anī kāgə̄ ní tél lī.