Versículos más leídos de la Biblia زبُور 103

Compartir

اَی جان مه، خُداوند ره سِتایش کُو و هیچ کُدَم اِحسان ھای ازُو ره پُرمُشت نَکُو.

اُو اَسته که تمامِ گُناه ھای تُو ره مُوبَخشه و پگِ ناجوری ھای تُو ره شَفا مِیدیه؛ اُو اَسته که زِندگی تُو ره از عالمِ مُردا بازخرِید مُونه و تاجِ رَحمت و مُحَبَت ره دَ سر تُو میله؛ اُو اَسته که جان تُو ره قد چِیزی خُوب سیر مُونه تا رقمِ بُرگُج، جوانی تُو تازه شُنه.

اَی جان مه، خُداوند ره سِتایش کُو. اَی تمامِ هَستی وجُود مه، نامِ مُقَدَّسِ ازُو ره سِتایش کُو.

امُو رقم که یگ آته دَ حقِ بچکِیچای خُو دِلسوز اَسته، امُو رقم خُداوند ام دَ حقِ کسای دِلسوز اَسته که از خُدا ترس دَره.

دَ اندازِه که مشرِق از مغرِب دُور اَسته، دَ امزُو اندازه اُو خطاھای مو ره از مو دُور کده.

خُداوند رحِیم و پُرفَیض اَسته، دیر خَشم-و-قار، مگم پُر از مُحَبَت.

اُو دَ مُطابِقِ گُناه ھای مو قد ازمو رفتار نَمُونه و نَه ام مو ره دَ مُطابِق خطاهای مو جَزا مِیدیه. چُون دَ اندازِه که آسمو از زمی بِلند اَسته، دَ امزُو اندازه رَحمتِ ازُو کَلو یَه بَلدِه کسای که ازُو ترس دَره.

خُداوند تَخت خُو ره دَ عالمِ باله برقرار کده و پادشاھی شی دَ بَلِه پگ حاکِم اَسته.