Versículos más leídos de la Biblia Saŋ 21

Compartir

Bambollay daasomo, Yensa ayéj Simon Piyer: - Simon, úbáku Saŋ, karo fi, bupoko b’upokuneemne afaŋfaŋ umbu immi ampokuneemne? Simon Piyer aŋoyindem ayéjem: - Jeh! Umuyhum, fi úpápájul bupoko b'ipokunenne! Simon Piyer balóbi babollay, Yensa ayéjem: - Kuku ukooñárom saahaŋankum! Afak amiihem ayéjem: - Fi, Simon, úbáku Saŋ, hóge upokuneempokun? Simon Piyer aŋoyindem ayéjem: - Jeh! Umuyhum! Fi úpápájul bupoko b'ipokunenne! Yensa aŋoyindem ayéjem: - Inini, kuku ufoolendem saahaŋankum. Yensa afak alallin amiih Piyer: - Simon, fi úbáku Saŋ, hóge fi upokuneempokun? Angu Simon Piyer, aléerumem dáde ni Yensa amiihemne buruhu waasaŋ alallaŋ. Kanda haman maŋ nim aŋoyindem ayéjem: - Jeh! Umuyhum! Fi úpápájul honjoŋo nip! Úpápájul n'ipokunenne. Simon Piyer, balóbi nim babollay, Yensa aŋoyindem ayéjem: - Kuku ukooñárom saahaŋankum.

Janten baŋ k’íteekino marigeno: Eke fo muhenken aroŋne bagíreh, gújooninajoonina k'údek b'ósiibane? Kanda ulaamedir, anlakuno k'antukiro halakan, andékuro bi síibaarone hadék.

Angu Yensa ayéjeeniŋ: - Woroŋ baŋ jambaalo a jiyaku sídeeno, nim ulaháraŋ. Ankaan maŋ nim. Angu bankaani nim, ansíiba buyoofhu jambaalo, kanda pirendeŋeŋ maro jakato n'arumun na a jambaalo tip.

Angu, Simon Piyer ayéjeeniŋ: - Inini, me ba jambaalo gídekehne. - Índokoonuŋ! Angu ankokay andék anyifa a sídeeno k'andék ba jambaalo. Ampúti, ambaal ambaal f'adék arenn, kanda kongaaraŋaŋ haman kokat.