Versículos más leídos de la Biblia Рим 15

Compartir

Уанымашым пушы Йымы ӹнянӹмӓшдӓ гач тӓмдӓм сусу дӓ тыр доно темӹжӹ, тӹнӓм Святой Шӱлӹшӹн силажы гач уанымашда шукемеш.

Писани гӹц нӓлмӹ тырхымаш дӓ кымылангдымаш доно уанымашна лижӹ манын, мам андак сирӹмӹ, мӓмнӓм тымдаш сирӹмӹ.

Тырхымашым пушы дӓ кымылангдышы Йымы тӓмдӓм иктӹ-весӹдӓ доно Христос Иисусын тымдымыжы семӹнь икышаным ӹштӹжӹ. Тенге тӓ икышын, ик юк доно Йымым, мӓмнӓн Господьна Иисус Христосын Ӓтяжӹм, лӹмлештӓрен кердӹдӓ.

Йымын лӹмлештӓрӓлтмӹжӹм лӱктӓш манын, кыце Христос тӓмдӓм пурын вӓшлин, тенгеок иктӹ-весӹдӓм вӓшлидӓ.

Мӓ логӹцнӓ каждый лишӹлжӹлӓн ярал лиӓш цацышашлык, тӹдӹлӓн ма яжо дӓ ма тӹдӹн ӹнянӹмӓшӹжӹм пингӹдемдӓ, тӹдӹм ӹштӹшӓшлык.