Versículos más leídos de la Biblia 2 Кор 1

Compartir

Мӓмнӓн Господьна Иисус Христосын Йымыжы дӓ Ӓтяжӹ, жӓлӓйӹшӹ Ӓтя, цилӓ ладнангдарымашым пушы Йымы хвальымы лижӹ! Тӹдӹ мӓмнӓм хоть-махань парвалымашна годымат ладнангдара, тенгежӹ, махань ладнангдарымаш доно Йымы мӓмнӓм ӹшкӹмнӓм ладнангдара, мӓӓт хоть-махань парвалымашты ылшывлӓм техень ладнангдарымаш донок ладнангдарен кердӹнӓ.

Кыце Христосын парвалымыжы мӓлӓннӓ шукемеш, тенгеок ладнангдарымашат Христос гач мӓлӓннӓ шукемеш.

колаш суйымы ылына манын шаненнӓ. Мӓ ӹшкӹлӓннӓ агыл, а колышывлӓм ӹлӹжтӹшӹ Йымылан уанышашлык ылына, седӹндон тенге лин.

Мӓмнӓнӓт, тӓмдӓнӓт Христос доно ушнымынам пингӹдемдӹшӹжӹ дӓ мӓмнӓм шӹрӹшӹжӹ – тидӹ Йымы. Тенге Тӹдӹ вӹлӓннӓ пецӓтшӹм пиштен дӓ шӱмӹшкӹнӓ залог шотеш Шӱлӹшӹм пуэн.

Мӓ парваленӓ гӹнь, тӓлӓндӓ ладнангдарымаш дӓ ытарымаш лижӹ манын парваленӓ. Махань орлыкым мӓ тырхенӓ, тӓӓт тӹхеньӹмок тырхедӓ гӹнь, Йымы тӓлӓндӓ ытарымашым пуа.