Versículos más leídos de la Biblia Filipos 3

Compartir

Pawpatêl, alwa kun innununghungaꞌ mas nagin katbuh nakuy na nuwa gihay bagayaꞌ ginagawa ku. Ah kuy na iniihipaꞌ bawbagay ha nakaraan, buy sinisikap kun makuway bawbagayaꞌ papalatêng. Katbuh gihay manlulukhu, sinisikap kun malatêngaꞌ angganan takay makwa kuy gantimpala ya binawêgakun Apu Diyus ha langit ha pamêmêêtan Apu Jesu Cristo.

Hapaêg, labay kun lalu pun makilala hi Apu Jesu Cristo buy madanasanaꞌ kapangyarian pagkabiyay nan uman. Labay ku mêt makigiha ha kanan pagꞌiirap buy magin katbuh kana ha kanan kamatiyan takayꞌêmên maski matiyaku, mabiyayakun uman.

Buy alwa dilin habayin ta hay laataꞌ bagay alan alaga nu ikumpara ha pagkakilala ku kan Apu Jesu Criston Panginuun ku. Inturing kuy nan alan alagay ati buy madumi hapaêg takayꞌêmên lubusan kun makilala hi Apu Jesu Criston Panginuun ku buy makagiha ku ya. Alwan ha paghunul ku ha kautuhan kaya inturingakun matuynung Apu Diyus nu alwan ha pananampalataya ku kan Apu Jesu Cristo.

Habiyanaꞌ bawbagayaꞌ intuturing kun maalaga hin una nuwa hapaêg alay nan alaga kangku ta labay kun makilalan lubusan hi Apu Jesu Cristo.