Versículos más leídos de la Biblia Romains 14

Compartir

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé. Okô ôyanzéa Christ gôémôgobeda gô mabégô mema, Nzambé anganyôngéô na akoo dôta angagôsénga ôséngu.

Vatôwaani, ôwa asô n’anyô te gôndé Kumu. Tôwéyee, tôdôngeyee, tôndéké te aamuene Kumu Nzambé.

Tôéndékéni éne éndé kuanakue, buta mbe tôdigaa na gétabé na vitoo gôésipanédana gô mbumu éaNzambé.

Tôtsikéni eesédana wa n’anyôene na wa n’anyôene. Buedi gôévanga mbe: Me tsangeenda ébégô éngapôngéda môkasô na éngakuéséda angô gô mane masanyôngéô Nzambé.

Matendeo MaNzambé matônigôa mbe: Kumu angô mbe: Ti gôndé me nandé na monyo ôdôô. Oma muetso angasiba mabongo maô va mbene ami. Môma na môma angakuméda ngudi yaNzambé n’ogi ôvôni. Vane wa n’anyô muetso tônganigôa Nzambé mane masô n’anyôene.

Singani muana aTétee n’anyô môsi mbumu éaNzambé gôévamba n’anyô buéyé mbe angô madeo asioodo gô mabégô maNzambé mameetsangô môtémedi. Ombiamôsemba gô mônongoe wedi.

?Ewe ndaa ôtsundéda môyanzine amuene môma? Asipéyee, asasipéyee gô éyanza éedi ébégôé éndé na kooko edi. Angasipa gôébégô Kumu asô n’anyô andé gôémôsipéda.