Versículos más leídos de la Biblia Ɓalɔma 6

Compartir

Dɔ, mʉkaya wɔ ɓʉɓɨɓɨ wa ingwo, yakamɛngana, apɛpɛ ɔ ɨjɨɔ yɔ Asɔɓɨɨ, ya uɓei ngʉwɔ mago nɔ mago, ɨngbaa aɓio ɨkyɛmʉ mɛngana nɔ Makweso Yeso Klisito.

Ɓʉɓɨɓɨ ɓangɔnɨfa sina ɓata ɓubaya, dɔ inu, nángɔmʉ ɓata ɛsɨ ɔ mapanʉ, yakamɛngana, ná tɨa ɛsɨ ɔ ɨjɨɔ yɔ Asɔɓɨɨ.

Kʉɓanɨ, aɓio ɨkyɛmʉ mɛngana ɨngbaa akɔ uɓatiso, isu, ta tɨa kʉ ɨkyɛmʉ mɛngana amati ingwo nɔ hʉnanɨa ɨhɔ nɔ atɨ Klisito, iɗo ambɔ ngbanga kʉndʉ ɨyɔ a꞉jʉkana akɔ ingwo akɔ angu nɔ ʉbɨba wɔ Aba, isu tɨa kʉɓanɨ, tiɓio tɨa amati ɔ uɓei wɔ ɨtakɨtakɨ.

Nátɨsɨamʉ ɓata ʉgbaa wɔ ndʉtʉ ngʉweno pɔ mʉngana akɨa ɓʉɓɨɓɨ, ga pɔ ndʉ ɨngbaa yɔ kyananakɨa ɓʉɓɨɓɨ. Yakamɛngana, injoneni tɨta akɔ tɛa yɔ Asɔɓɨɨ, ngbanga ndʉ ɓombi ngʉɓa ɓa꞉jʉkana akɔ ingwo. Nɔ, sɨkeni magbaa kɔ ndʉtʉ ngʉkeno tɨta ndʉ likyɛmʉ lɔ tɛa akɔkyanakɨa yaka yɛta ngbingbii ngɨangɔ.

Tɨmbɨeni yaka ngɨyɛ ta iɗo: mʉkyananakɨa ngʉweso wɔ ɨjɛnɛ, wa꞉wo jɛnɛ ɨhɔ nɔ Yeso akʉʉ ɔ mʉsalaba, iɗo ambɔ tatɨɓio tii ɓata ɓabaya ɓɔ ɓʉɓɨɓɨ, dɔ, angu ɔ ɓʉɓɨɓɨ ngʉɓa ɓa꞉ɓio amati eso, a꞉wo tɨa kʉ woni.

Inu, ngbanga kʉɓanɨ, sɨkaneni ndʉ ɓɔ nawo akɔ ɓʉɓɨɓɨ tɨa woni, nɔ, uɓei ngʉweno uɓomu wa tɨta akɔ Asɔɓɨɨ, amatɨ ɔ Yeso Klisito.

Tasugo dɔ-sɨ tanɨ? Tɔkwananɔ ndɨ nɨsɨnganaka ta amati ɔ ɓʉɓɨɓɨ, iɗo ambɔ ɨjɨɔ yɔ Asɔɓɨɨ yɨnɨanɨa tɨa ɨja nɔgbɛ? Pɔ bele! Isu, ta꞉wo akɔ ɓʉɓɨɓɨ tɨa woni, taɓio ɓata-sɨ amati ɔ ɓʉɓɨɓɨ tɨa ayaka yɛmanɨ?

Nánɨmbɨa ta iɗo ɓɔ nénjoneni aɓio baya ɔ mombi, nɔ nʉka yaka ngɨangɔ asugo, ambɔ nɔ́natanɔ akɔɓio tɨta ɓabaya ɓɔ mombi ngɨa nánʉka yaka ngɨangɔ. Yɔɓieni ɓʉɓɨɓɨ, mupipio wɔngɔ wa ta ingwo. Yɔɓieni kpataka yaka ngɨyɛ Asɔɓɨɨ asugo, mupipio wɔngɔ ya kɨa yaka yɛta ngbingbii.

Yakamɛngana, ʉbɨba akɔ Asɔɓɨɨ, dɔ inu, ngʉɓa ɓʉɓɨɓɨ ɓa꞉nɨfa jɛnɛ ɓubaya pɛɨ, ɨtakɨtakɨ ngɨyɛ, ná tɨa akyananakɨa nɔ mʉtɨma mʉngana, ɨngbaa yɔ mapanʉ ngʉka ɓa꞉nɨpanɨa jɛnɛ. Náɓoonokio amati ɔ ɓubaya ɓɔ ɓʉɓɨɓɨ tɨa ɓoonokioni, nɔ ɨtakɨtakɨ ngɨyɛ ɓa꞉nɨkɨa akɔɓio tɨa ɓabaya ɓɔ yaka yɛta ngbingbii.