Versículos más leídos de la Biblia Ɓalɔma 11

Compartir

Dɔ ɨyɔ akɛ, a꞉kɨa likyɛmʉ liɓomu, nɔ lɨkyɛmʉ liɓomu la akɔ uɓei ta ɨngbaa akɔ ɨyɔ, nɔ kʉ akʉʉ angɔ. Ʉbɨba akɔ Asɔɓɨɨ amati ɔ mago nɔ mago-ɛ! Yaɓanɨ!

Ɨna ambɔ lɨkyɛmʉ, nɔ nɨmbɨmbɨanaka ngɨyɔ Asɔɓɨɨ ya kisoɓá-e! Ɨyɔ, ɛmbɨa yaka ta iɓomu! Anɨ dɔ ɨya akwanana pemiso mʉkɔmbʉ ngʉwangɔ? Anɨ dɔ ɨya akwanana pemiso yaka ngɨangɔ a꞊ɨkwasio?

Ya ngbanga ndʉ Mabii kakɔsugo ɓɔ: «Anɨ akɛ a꞉pemiso itungwio ngɨyɔ Makwɔɓɨɨ? Anɨ akɛ a꞉minjo ʉpanʉ?

Nɔ ɓʉɓʉnʉ ya ngbanga kʉ ɓanɨ, mukpekpe yɔ Ɓaɨsalaɛlɛ ɓa ta kʉɔ ʉɓa ɓa꞉tukoo, ʉɓa, Asɔɓɨɨ a꞉ɓʉchwa akpatanakɨa nɔ ɨjɨɔ ngɨangɔ. Nɔ yɔɓieni ɓɔ Asɔɓɨɨ a꞉ɓʉchwa ɨngbaa akɔ ɨjɨɔ ngɨangɔ, yakɔsugo ɓɔ yangɔmʉ ɨngbaa akɔ mʉkyananakɨa wɔta uɗo ngʉweɓo, dɔ yɔ꞉ɓieni jɛnɛ ɓanɨ, ambɔ ɨjɨɔ ngɨa Asɔɓɨɨ yangɔmʉ ɓata ndʉ aka yɔkwanana-ɔɔ ɓio.

Ɓaɨsalaɛlɛ ɓa ndʉ ɓʉtɨ ɓɔ Olivɛ ngʉɓa Asɔɓɨɨ a꞉ɓʉhʉna, mbise ɔngɔ ɔkioko mɨtapʉ yɔngɔ nganangana. Ʉwɛ ngɨa wangɔmʉ Muyuda, wa ngbanga ndʉ mʉtapʉ wɔ ɓʉtɨ ɓɔ Olivɛ ɓɔ iju, ngʉwa ɓa꞉ʉkpakpaniso aɨda ngɨyɛ ɓa꞉kio-ɔɔ mʉtapʉ ngʉwɔnanɨ. Nɔ ʉwɛ, wa tɨa akɨa ɓʉkʉʉ, tɨa kʉ nɔ mipo ngʉka kanɨngwa inani aumii wɔ ɓʉtɨ ɓɔ Olivɛ ngʉɓɔnanɨ. Kʉɓanɨ, ʉwɛ, watɨnokiomʉ ɓaka mɨtapʉ ngɨyɛnɛnɨ ɓa꞉ɨkio. Wɔkʉndeni akɔbɨbana, ɨmbɨa iɗo ɓɔ sɔkɔmʉ ʉwɛ akɛ, watʉmba mii, yakamɛngana, mii akɛ yanɔwɛ akɔtʉmba ʉwɛ.