Versículos más leídos de la Biblia Matayɔ 26

Compartir

Ɓieni ta ɓaɓɨsɨnɨ, nɔ, anɨta Asɔɓɨɨ, dɔ, nátɨkumoniomʉ aikanio! Mʉtɨma wa ɨwɔ ta nɔ angu, yakamɛngana, ndʉtʉ yanɔ majɛjɛ.»

Ga ɨyɔ naɓɔ ɓɔ: «Mʉtɨma wɔnasioko nɔ ikoko, tinene nɔ ingwo. Inu, tukueni tɨa aka, nɔ, ɓieni ta ɓaɓɨsɨnɨ, ɨhɔ nɛmɨ.»

Ɛ꞉sɨngana mwana ɔngɔ nɔ pɛɨ bele, ɔ꞉kwa akɔɓɔya mesu ta aɨsɨ. Ɔ꞉pʉnga nɨta Asɔɓɨɨ, ɓɔ: «Hii Aba! Yɔbayanɨeni ɓaka, anangusio ʉpata wɔ ikoko ngʉwawɛ! Gʉtʉ ɓanɨ, watɨkɨamʉ ndʉ ɓʉkʉnda ɓɔsɛmɨ. Yakamɛngana, ɓʉkʉnda ɓɔsɔɔ ɓɨkyananakɨa.»

Dɔ ʉkyɛpʉ ngʉwa, wa menike ngʉkɔsɛmɨ, ʉka, ka꞊njɨlaka suo akʉʉ ɔ ɓombi ɓaja, dɔ, ɓʉɓɨɓɨ ngʉɓeɓo ɓɨpaanakɨa. Menike ngʉkɔnanɨ, ka mʉgbanga wɔ agɔmɛ ngɨa Asɔɓɨɨ.

Angbinga ngɨa atɨ Yeso nɔ ɓakpata, ɓa꞉ɓio-ɔɔ tɨa adyakaka, ɔ꞉sɨka mʉkatɨ, nɔ, ɔ꞉tosio Asɔɓɨɨ ʉbɨba. Ɔ꞉ʉɓundo, nɔ, ɔ꞉ɓinjekio, ga ɨyɔ naɓɔ ɓɔ: «Sɨkeni nɔ dyeni, ɨyɛnɛnɨ ya ndʉtʉ ngɨyɛsɛmɨ.»

Mbise ɔngɔ, ɔ꞉tɔsɨka tɨa ʉpata, nɔ, ɔ꞉bibiso ɓata Asɔɓɨɨ, nɔ, ɔ꞉tɔɓinjo, ga ɨyɔ naɓɔ ɓɔ: «Mweni ɓaɓomu!

Mbise ɔngɔ, Yeso ɔ꞉tɔa ananɨ ɓakpata ngʉɓangɔ ɓa꞉tukoo-ɔɔ. Ɔ꞉ɓʉgbʉka ta atɔɔ ɓɔ ɗɛsɛɛ. Ɔ꞉musigio Pɛtɛlɔ ɓɔ: «Ha inu, ɓague! Yɔnɨkyakɔ ndɨ aɓio ɓaɓɨsɨnɨ ɨhɔ nɛmɨ, gʉtʉ ta akɔ angbinga mʉngana?

Nanenu asigio ɓɔ, anɨngwa ɨtakɨtakɨ ngɨyɛ, na꞊ngɔmwa sina ɓata ʉkyɛpʉ ngʉwa, akɔɓɔya ta akɔ ɓisi ngʉɓa, ta꞊mwa sina ɓata-ɔɔ ʉwɔ ɨtakɨtakɨ, ɨhɔ nenu, amati ɔ Ɓʉngama ngʉɓɔ Aba ngɨasɛmɨ.»

Pɛtɛlɔ ɔ꞉tunguo yaka ngɨyɛ Yeso a꞉musigio ɓɔ: «Pɛɨ ngɨa gue ɔ kɔɓɔ anatɨa-ɔɔ, wanatata machaa kaatʉ.» Kʉdɔ, ga ɨyɔ aɓei ɓɔ puu, nɔ, ɔ꞉pʉnga ndɨa nɔ ikoko, ɓɔ hiki, hiki.

Jʉkaneni, tɨseni! Ineni-sɨ, mombi ngɨa ɔ꞉nagabɔ ɨyakɛ, a tɨa tinene-a!»

Yakamɛngana, Yeso ɔ꞉musigio ɓɔ: «Tɔso mapi ngʉwɔsɔɔ amati ɔ ɨkáá yɔngɔ! Dɔ, mombi muɓomu ngɨa aɓɛndaniso nɔ mapi, a꞉wo sina kʉ nɔ mapi!