Versículos más leídos de la Biblia Mɨkyananakɨa 5

Compartir

Pɛtɛlɔ, ɨhɔ nɔ ɓatitima ɓɔ꞉ɓutosio ɓɔ: «Yɔkwananamʉ isu akumo ɓombi, tɔsia Asɔɓɨɨ!

Masi maɓomu, ɓa꞉ɓio akɔpanɨa sɔkɔmʉ nɔ bɔmbana, amati ɔ ɨkáá yɔ Asɔɓɨɨ, nɔ lɨkáá ngɨleɓo kʉtaa, nɔ ɓɨakɨa Ɨsaʉ yɛta Iɗo, ɓɔ Yeso a Masia.

Kʉdɔ, Pɛtɛlɔ ɔ꞉musigio ɓɔ: «Ananɨa, akʉʉ ɔ yaka yɔ ɨmanɨ ɨyɛ wɔ꞉sɨa-ɔɔ Sɨtanɨ akumonio amʉtɨma ngʉwɔsɔɔ? Wɔ꞉pɛtakɔ Mʉtɨma wɔta Tu pɛtakanɨ, nɔ ɓagyɛgyɛ ngaɓɔmɔ, ʉɓa wa꞉gabiso pɛ naɓɔ kʉbaa, wɔɓʉnayɔ ɓata kʉ naya. Kʉbaa ngɨa wa꞉mugabiso pɛ, a꞉ɓiomʉ pɛ asɔɔ-ndɨ? Nɔ mbise ngɨa wa꞉mugabiso pɛ-ɔɔ, ɓagyɛgyɛ ɓɔngɔ ɓa꞉kɔɓiomʉ pɛ ɓɔsɔɔ-ndɨ? Tɨa akʉʉ ɔ yaka yɔ ɨmanɨ ɨyɛ wɔ꞉kwaisio-ɔɔ akɨa ɨkananja yɔ yaka ngɨyɛnɛnɨ? Wɔ꞉pɛtakɔmʉ ɓombi, yakamɛngana, wɔpɛtakɔ ta Asɔɓɨɨ.» Ananɨa anʉkɔ yaka ngɨyɛnɛnɨ, ɔ꞉kwa nɔ ingwo gbɛgbɛ ta ananɨ. Ɓombi ɓaɓomu ngʉɓa ɓɔ꞉ka yaka ngɨyɛnɛnɨ, ɓɔ꞉kwa ʉɓá nɔgbɛ.

Ɨtakɨtakɨ ngɨyɛ, nanenu asigio ɓɔ, nátɨkpatenimʉ ɓata yaka ngɨyɛ ɓombi ngʉɓa, nɔ, ɓʉsieni anisa. Yɔɓieni ɓɔ itungwiyo, ga pɔ yaka ngɨyeɓo yɔchweyeni nɔ ɓombi, ya꞊sio ta sioni. Yakamɛngana, tɛa ngɨyɛ ɓakɨa yɔngwaneni nɔ Asɔɓɨɨ, nángɔkwananamʉ nayɔ apanja. Kanganɨeni iɗo, nátɨwamʉ dɔ agbanga nɔ Asɔɓɨɨ-e!» Ɓombi ɓɔ ubuwa ɓɔ꞉baya yaka ngɨyɛ Gamalɨɛlɨ asugo.