Versículos más leídos de la Biblia Apokalipsis 14

Compartir

Ondaka asundem iek avazi kai katar o miloso ppenela mange: “Pisisar blagosime katar angle gola llene kai meren ando Gazda.” “Ea —ppenel o Duo—, ka achen te lelpe lendar o chiñipe katar lenge radura.”

¡Kate si o terpipe katar o santo foro, gola kai cheren so ppenel o zakono e Devleko ta o pachape e Jesuseko!

Ta ppenda bare avazea: “Daran e Devletar ta blagosin le, soke o vreme katar leki kris avili. Ta blagosin gole kai cherda o miloso e ppuv e mora ta o pai kai likel katar e ppuv.”

O trito suecho avilo ta ppenela bare avazea: “Vareko te blagosila e azdava ta lake eslika ta te lela e marka pe po chikat o pe po va, i vou ka piel e mol katar e Devleki joli kai avilo ttodo chisto ando taso katar leki joli; ta ka nakkel bari patnia ande iag ta ando asufre, angla e sante suechura ta angla o Bakro. Ta o ttuv katar leki patnia likel ostade; ta gaia patnia ni achel, ni ollivesea ni orachaia, golenge kai blagosin e azdava ta i leke eslika ta sa golenge kai len e marka katar leko anau.

Mapalal dikklem e Bakre kai saia pe porrne upral po burdo katar o Sion. Lea sea stotina ta saranda ta star milie llene, kai saia pisime pe lengo chikat o anau e Bakreko, ta leke Dadeko.

Dikklem aver suecho kai furiala po maskaral katar o miloso ta inllarela e lachi viasta kai si ostade te ppenel la e llenenge kai zivin pe ppuv, kai go si ppuv, vicha, chib ta foro.

Ondaka avilo aver suecho ta ppenela: “¡Pelitar, pelitar e Babilonia o baro foro, soke cherda te pien sa e ppuvia e mol katar lako kurvaluko!”