Versículos más leídos de la Biblia Kolosenses 3

Compartir

Terpin iek avereke ta prostin iek avere, a te si vareko dukkado averetar prostisaren tumen. Gia sar o Kristo prostisarda tumen i tumen si te prostin.

Mislin tumen ande ezgode kai si ando miloso, a na ande ezgode e ppuviake.

Ta sa so ka cheren, cherenle e lietar sargo kana radin e Devleke a na e manusenge.

O Del volil tumen ta esvirisarda tumen te aven katar o foro santo. Morabi te avel tumen volipe pala aver llene. Morabi te aven lache, proste, postene ta te terpin.

Ta te na bristaren tumen katar e alava e Kristoke ta sikaven iek avere bizaimaia. Den fala ta llilaben e Devleke e salmura ta llilia duoke. Ta sa so ka cheren o so ka ppenen cherenle ando anau e Gazdako o Jesus, ta den fala e Devle kai si o Dad pala so cherda o Kristo pala tumende.

A furiadon mai but e volimaia, soke o volipe si kai ka cherel tumen te aven saurre ande iek ttan.

Goleke soke tumen te ustilen katar o meripe e Kristoia, morabi te roden e ezgode kai si upre kote kai o Kristo besel pe rig e chachi e Devleki.

Ta e pas e Kristoki te charoil ande tumare lie, soke goleke ikkarda tumen o Del te sai aven katar iek esnaga ta te aven llene kai llanen te den e fala.

Goleke cheren te meren sa gala ezgode e ppuviake kai si ande tumende: niko te na cherel o kurvaluko ta ni e ezgode pogane; achaven tumare bilache mislura ta na muken te inllarel tumen tumari llia e lovengi, soke gaia ezgoda si sargo te llan pala aver dela.

Soke tumen mulen ta o Del lacharda tumenge te zivin e Kristoia.

A akana muken sa gala ezgode: e joli, o bilachipe, e brasnia maskar tumende ta e bilache alava.

Na kojaven iek avere, soke tumen chudien tumendar so sena omanglal ta so cherena, ta akana si tumen iek nevo zivoto ta sen iek nevo manus kai sa mai lachardol prema o Del kai cherdale, te sai pinllaren le mai but.

A tumen romalen morabi te volin tumare romien, ta na joliaon lenchar.

Chavalen kande tumare daden pe suako ezgoda, soke gua si drago e Gazdake.

Tumen romialen morabi te den liubao tumare romen, gava si so morabi te cheren sar trubulpe e diskiniendar, soke tumen pachan ando Gazda.