Versículos más leídos de la Biblia TITAS 3

Compartir

Sikhalsehla in Runtu kan Pathian ih zaangfahnak le duhdawtnak a rung lang tikah, kannih cu in rundamsuak. Kanmah in thilṭha kan tuah ruangah si loin amah ih zaangfahnak ruangah in rundam suak ih hrintharnak le nun tharthawhnak in petu Thlarau Thianghlim ih kholhfainak ruangah a si. In Runtu Jesuh Khrih sungin Thlarau Thianghlim cu kan parah famkin zetin Pathian in a run toih; cumicu a zaangfahnak ruangih Pathian thawn kan rem awk theinak dingah le kan ruahsanmi kumkhua nunnak cu kan ta a si theinak dingah a si.

Uktu bawi le thuneitu upa pawl ih tangah dor in an thu nan ngai pei; cule thil ṭha tuah dingah timtuah ciain nan um ringring pei, tiah na milai pawl sim aw. Zokhal nan relsia lo pei; daite le rualremte in nan pawl-aw niakno pei ih mi hmuahhmuah parah lungnemnak le umtlanzia thiamnak nan langter ringring pei, tiah sim aw.

Sikhalsehla aat-thlak thu-el awknak, pupa hmin cazin sau zetzet thu el awknak, tawh awknak le Daan thu-el awknak pawl cu hrial aw. Cumi pawl cu ṭhathnemnak le man neihnak ziang hman a um lo.

Ṭhenṭheknak a suahtertu kha ralrinnak a mal bikah voi hnih pe ta aw; cuih hnuah cun a pawl khal pawl nawn hlah.