Versículos más leídos de la Biblia ROM 6

Compartir

Ziangahtile sualnak ih hlawhman cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si.

Sualnak cu a lo uktu bawi si nawn hlah seh; ziangahtile daan hnuai ah nan nung nawn lo, Pathian zaangfahnak hnuai ah nan nung zo a si.

Baptisma kan lak tikah amah thawn phummi kan si ih a thihnak ah khal kan ṭawm ve; cuvek thotho in Pa ih sunlawinak huham in Khrih kha thihnak ihsin a thawhter bangtuk in kannih khal a thar in kan nung ding.

Nan taksaṭhen ziangkhal thil ṭha lo sual tuahnak ah nan hmang lo pei. Cuhnakin thihnak ihsin nunnak ih thawhtermi bangin nan ziangzongza Pathian hnenah pe aw sawn uhla nan nunnak zate thawn thil ṭha tuahnak ah hmang sawn uh.

Kan nun hlun cu Khrih thawn thinglamtah parah khencih a si zo ti kan thei; cumi cu sual in a khatmi kan nunnak hlunih pum cu a siatral ṭheh ding tinak a si. Cutiin sualnak ih sal kan si nawn lo.

Cuvek ṭhiamṭhiam in nannih khal sual thu-ah cun mithi kan si tiin siseh, nunnak thu-ah cun Khrih Jesuh zaar in Pathian thawn pawlkom in kan nung tiin siseh, ruat aw uh.

Asile ziangtinso kan ti ding? Pathian ih zaangfahnak karh sinsin seh tiah sual kan tuah vivo hrih ding maw? Tuah naisai hlah! Sualnak ah kan thi zo ih ziangtinso a sungah kan um thei nawn ding?

Nannih in mi pakhatkhat hnenah a sal si dingin le a thu ngai dingin nan pe aw a si ahcun, cuih a thu nan ngaimi cu nan bawi a si ih nannih cu a sal nan si ko; cucu fiang zetin nan thei zo a si. Sualnakih thu nan thlun asile sualnak ih a suahpimi cu thihnak a si ruangah thihnak nan tuar ding; asinain Pathian ih thu nan thlun ahcun Pathian thu thlunih a suahpimi cu remnak a si ruangah Pathian thawn rualremnak nan co ding.

Sikhalsehla Pathian hnenah thangṭhatnak um ko seh! Ziangahtile nannih tla cu sualnak ih sal nan rak si dah naón atu-ah cun zirhnak nan ngahmi sungih thudik kha nan thinlung zatein nan thlun zo. Sualnak ihsin luattermi nan si ih dingnak salah nan cang zo a si.