Versículos más leídos de la Biblia ROM 12

Compartir

Hi khawvel daanah hin kop nawn hlah uh; cuhnak in nan thinlung kha tharthawh tahratin thleng aw sawn uh. Cutiin Pathian ih duhnak cu nan thei ding ih Pathian ih hmaiah ziangso a ṭha, ziangso a lungawi mi a si tile ziangso a famkimmi a si ti nan thei ding.

Cuti a si ruangah ka u le ka nau tla, a tam zetmi Pathian ih in zaangfahnak ruangah hin nan ruangpumpi cu a thiangmi le cohlan tlak raithawinak bangtuk in Pathian hnenah pe uh, tiah ka lo dil. Cumi cu Pathian hnenih nan pek dingmi biaknak taktak cu a si.

Nan beiseinak in nan lung lo awiter seh; harsatnak nan ton tikah thinsau in um uh; cat loin thlacam uh.

Ṭhat lonak in lo neh hlah seh; ṭhat lonak kha ṭhatnak in neh sawn aw.

Khristian unau nan si ruangah pakhat le pakhat sunsak awzet tein duhdaw aw ton uh. Pakhat le pakhat hmaizah awknak thiam uh.

Duhdawtnak kan ti tikah thinlung taktak thawn duhdawt ding a si. A ṭha lomi cu hua uhla a ṭhami kha kai hnget uh.

Mi hmuahhmuah thawn remte ih um ding kha a cangthei tawkin zuam uh.

Ka duhdawtmi pawl, ziangtik khalah phulak tum hlah uh; Pathian thinhengnak sawn in cumi cu tuahseh. Ziangahtile Ca Thianghlim sungah, “Keimah in phu ka la ding; Keimah in ka leh-rul ding, tiah Bawipa in a ti,” tiah a um.

Zaangzel hlah uh; napi in hnaṭuan uh. Nan thinlung zate pe in Bawipa ih hna cu ṭuan uh.

Pathian in a zaangfahnak laksawng i pekmi ruangah pumpak ciar nan hnenah hiti in ka sim: Nan ruah awk ding hnakih saang deuh in ruat aw hlah uh. Ziangvek teu so ka si ti kha thei aw sawn uhla Pathian in zumnak a lo pekzat ciar in nan ruah awk daan cu siseh.

Mi pakhatkhat in nan parah ṭhat lonak an tuah tikah an parah ṭhat lonak thawn leh-rul hlah uh. Zozo khalih a ṭha a mawi an timi kha tuah zuam uh.

Nanmah ih zawn nan ruat vekin midang zawn khal ruat ve uh. Keimah ka si bik, tiin ruat aw hlah uh; hnaṭuan ṭukṭak tete ṭuan duhnak thinlung nei uh. Ka fim a si tiah ruat aw hlah uh.

Cule Ca Thianghlim in, “Na ral a ril a rawng asile rawl pe aw; a ti a haal asile tidai pe aw; cutiih na tuah asile a lu-thlungah meiling na ret a si ding,” a ti.

A lo hremtu pawl hrangah camriamnak si loin thlawsuahnak kha Pathian hnenah dilsak sawn uh. Lungawimi pawl thawn lungawi tlang uhla a ṭapmi pawl thawn ṭap tlang uh.

A tlasam mi Khristian unau pawl thawn nan neihmi kha hlawm aw uh. Cule mikhual pawl hrangah nan sangka ong uh.

Kan ruangpi hi pakhat asinain taksa ṭhen tampi an um ih cuih taksa ṭhen pawl ih hnaṭuannak cu an bang aw lo. Cu bangtuk in kannih khal mi tampi kan si naón Khrih thawn kan pehzom awknak ahcun pum khat kan si. Kan ruangpi ih taksa ṭhen pawl an peh awk thluh vekin kan peh aw thluh ve a si.