Versículos más leídos de la Biblia THUPHUAN 8

Compartir

Tuufa in tacik pasarihnak a phoih tikah vancungah nazi hrek sung hrawng thawthaang zianghman um loin a dai ṭhepṭhep.

Vancungmi pakhatnak in a tawtawrawt cu a tum ih thisen thawn a rawi awmi rial le meisa cu leilung ah ruah bangin a sur ciamco. Leilung ṭhenthum ṭhenkhat a kang ṭheh, thingkung ṭhenthum ṭhenkhat a kang ṭheh ih hrampi hring cu a zatein an kang ṭheh.

Cule ka hun zoh ih vansangpi-ah khin mupi pakhat a zam ih, “Ṭihnungza! Ṭihnungza! Vancungmi pathum in an tawtawrawt an tum tikah cun leilung parih a ummi hmuahhmuah hrangah ṭihnungza a va si so!” tiah ring zetin a ti ka thei.

Vancungmi pahnihnak in a tawtawrawt a tum ih a alh hluahhlomi meitlang tumpi vek thil pakhat khi tifinriat sungah an vun hlon. Cutikah tifinriat ṭhenthum ṭhenkhat cu thisen ah a cang ṭheh.

Vancungmi pathumnak in a tawtawrawt a tum. Meifar bangin a alh hluahhlomi arsi tumpi pakhat cu van ihsin tiva le cerhti pawl ṭhenthum ṭhenkhat parah a tla. Cuih arsi hmin cu, “A Kha,” ti a si. Tidai ṭhenthum ṭhenkhat cu tikha ah a cang ih cutiih a khaat ruangah cuih ti a intu mi tampi an thi.

Cule vancungmi palinak in a tawtawrawt a tum ih ni ṭhenthum ṭhenkhat, thlapi ṭhenthum ṭhenkhat le arsi pawl ṭhenthum ṭhenkhat cu an siat ṭheh. Curuangah an tleunak ṭhenthum ih ṭhenkhat cu a hlo. Sun ṭhenthum ṭhenkhat ah siseh, zan ṭhenthum ṭhenkhat ah siseh, tleunak a um lo.