Versículos más leídos de la Biblia HEBRU 4

Compartir

Pathian ih thu cu a nungih a cak fawn. Kap hnih hriam ralnam hnakin a hriam sawn. Nunnak le thlarau an ton awknak le hlikhlok le thlik an peh awknak tiang a suntlang thei a si. Milai thinlung ih duhnak le ruahnak tla a thei thluh a si.

Cuti a si ruangah Pathian bawi tokham cu ralṭha zetin pan uhsi; cutawkah zaangfahnak a um. Cutawkah ngilneihnak kan co ding ih kan ṭul tik caanah zaangfahnak kan ngah ding a si.

Kan Puithiam Saang cu kan ṭonṭaihnak in theihsak lotu a si lo. Kanmah vekin sualforhnak a phunphun a tong vemi a si; asinain anih cu a sual lo.

Pathian hmaika ah zianghman kan thuh theimi a um lo. Pathian ih sersiammi thil hmuahhmuah cu a hmaika ah on thluhmi le pharh thluhmi bangtuk in an lang. Ni khatkhat cu amah ih hnenah thuhla kan neihmi hmuahhmuah kan phuang thluh leh ding a si.

Curuangah kan zumnak hi khoh zetin kaihnget uh si. Ziangahtile Pathian Fapa Jesuh cu kan Puithiam Saang maktak a si ih amah cu Pathian umnak rori ah a thleng zo.

Curuangah Pathian ih tiammi colhnak kan co theinak dingah kan zuam thei patawp in zuam uhsi. Annih pawl in Bawipa ih thu an thlun lo ruangah an co thei lo vek cun kannih pawl pakhat hman si hram hlah uhsi.