Versículos más leídos de la Biblia EFESA 2

Compartir

Pathian in kan ṭuan ding hrangih a rak timtuah ciami hnaṭuan ṭha ṭuantu dingah Khrih Jesuh sungin kannih cu siamtharmi kan si.

Ziangahtile nannih cu Pathian zaangfahnak zaarah zumnak in rundam nan si. Hi rundamnak cu nan ṭuannak ruangih nan ngahmi a si lo, Pathian ih laksawng a si. Cuhrangah zo hman porh awk ding a si lo.

Sikhalsehla Pathian ih in zaangfahnak cu a tlamtling ngaingai ih in duhdawtnak khal a tumzet ruangah, kan sualnak sungah thlarau lamin mithi cia kan si ko naón Khrih thawn nunnak ah in thoter sal zo. Pathian ih zaangfahnak thawngin rundammi nan si.

Khrih Jesuh thawn kan pehzom awknak thawngin Pathian in Khrih thawn vancung ramih uk tlang dingah amah thawn in thoter sal zo.

Cuti a si ruangah nannih Zentail mi pawl ramdangmi le khuatluang nan si nawn lo; Pathian ih miphun pawl thawn laikhat le Pathian innsang ih sungtel nan si zo. Nannih cu tirhthlah le profet pawl in a hram an phun suakmi parih sakmi inn nan si ve zo ih a kiilih lungphum cu Khrih Jesuh a si.