Versículos más leídos de la Biblia Men Rom 12

Compartir

Komail der kaalemongin sappa, a komail en kawilikapada lol omail, pwe komail en kak kasauiada, da me kupur en Kot, me mau o kaperen, o unsok.

RI ai kan, i ap panaui komail pweki kalangan en Kot, komail en kida war omail, pwen wiala mairong maur, me saraui o kaperenda kupur en Kot, iei omail kaudok me pung.

Peren ni kaporopor; kanongama ni ansau apwal; podidi ong kapakap.

Koe der lodi ong me sued, a poekidi me sued me mau.

Omail limpok pena en tapi sang mongiong omail; wauneki amen, mon a pan waune kin uk.

Omail limpok ender sapung, tateki me sued, tengeteng ni me mau.

Ma a pan kak pa omail, polaul ong aramas akan karos.

Kompoke pai ko, komail der pein depuk, o komail der madang makar, pwe a intingidier: Ai depuk, Ngai me pan depuk, me Kaun o kotin masani.

Der tanganga ni omail dodok; ngen omail en inong iong dodok ong Kaun o.

Ki mak, me i aleer, i indang amen amen nan pung omail, ender inong iong pein i, laude sang me kon ong, a en lamelame me a en pung, duen Kot kotin nek ong amen amen wan a poson.

Komail der depukki ong en amen a me sued me sued, a inong iong me kon ong aramas akan karos.

Komail minimin pena ni omail lamelam, der inong iong meakot me lapalap, a inong iong me tikitik; komail der aklolikong.

Ari, ma om imwintiti amen men mangadar, kamanga i; ma a men nim piladar, kanim pileda, pwe ma koe pan wia mepukat, nan koe ap pan ki penang mong a kol molus.

Kapaiada me kin paki komail; kapaiada o der kariala. Perenda ren me popol akan; o sangesang ren me sangesang kan.

Kisakis ong saraui samama kan; kasamo ki peren.

Pwe duen ni pali war atail kokon toto mia, a dodok en kokon akan kaidin dupeneta, Iduen kitail me toto, war ta ieu ren Kristus, kitail ap kokon pena nan pung atail.