Versículos más leídos de la Biblia Luki 6

Compartir

Á koŋ pyɛ kiri ka, Kirinŋ a ábɛɛ ka. Kirinŋ a ábɛɛ kafinŋ ki ki, kifinŋ shɔɔrinŋ sun, ŋì i ǹʼfaaka shɔ, ŋì i ǹʼtɛɛtɛɛ, ŋì i ǹʼcincin, ŋì i ǹʼbɛɛ bo ǹʼsun, fɔ ŋì i kɔnkɔli-li, ŋì i niŋ pwulu bo ábɛɛ gbɛ. Ábɛɛ i kifinŋ wɔ̀ sɔɔ-ra awɔ koŋ kafinŋ ki sun, Kirinŋ a na ábɔɔ ki ki, mìŋ kifinŋ tenŋ ki sun. »

Koŋ ciiru shɔɔrinŋ ki i bi shɔɔrinŋ ma-a, koŋ ciiru jɛtiŋ ki i bijɛ ma-ni, sabu bi wɔ̀ ki faa koŋ ciiru, nʼtɔnŋ ki i ninki bi-a. »

Nka á á ɲa kiri bidi á tɛ, á i shɔɔrinŋ ma-ni kí tɛ. A kɔni ki ye, á fa niŋ ma shɛsan ɲakili wu kì. Niŋ na, ábɔɔ sali ki a mwɔ, niŋ fa ábɛɛ ra ji Kirinsinaŋ daŋ ni i, sabu niŋ i shɔɔrinŋ ma-a shɔɔrinŋ tɔbali kiri fa koŋ jɛ kiri tɛ.

Á ji shɔɔrinŋ matiiri i, miŋ tu ábɛɛ Tiŋ ki i shɔɔrinŋ matɔnŋ i ɲaan wɔ̀ tɛ. »

Yesu tu sɛbɛ : « Á fa kiti kwuru koŋ sun kì, Kirinŋ yɛrima ki a kiti kwuru ábɛɛ sun kì. Á fa kiti ki fɛɛn koŋ sun kì, Kirinŋ yɛrima ki a kiti ki fɛɛn ábɛɛ sun kì, á koŋ pyɛ kiri wɔ pɔli kiri tu kí tɛ, Kirinŋ yɛrima ki a ábɔɔ pɔli kiri tu á tɛ.

Yesu tu : « Ábɛɛ wɔ̀ri i á tɔɔnye-a míŋ tɛ, míŋ a ǹʼbi ábɛɛ tɛ ńʼtu á á ɲa kiri bidi á tɛ, á i bi shɔɔrinŋ ma-ni á bikwɔnsuntɔnŋ kiri tɛ. Á juba san á dankatɔnŋ kiri tɛ, á i Kirinŋ nafɛ-ri á cɔɔritɔnŋ kiri tɛ.

Ábɛɛ i ǹʼtɛ konaŋ kiri i ábɛɛ pa ɲaan wɔ̀ tɛ, ábɛɛ yɛrima kiri kí pa niŋ ɲaan ki tɛ.

A koŋ gbɛta bo miŋ cufɛ kɛlinŋ tenŋ tɛ, kɛlinŋ ka ki rapwulu ntiŋ tɛ. A koŋ nʼwɔ jɛrɛbi sinaŋ ki shi, fa nʼkaan jɛrɛbi fɛ wɔ ki shi sun ntiŋ gbɛ kì. A koŋ woo koŋ nʼnafɛ, ntiŋ ka. A koŋ nʼgbɛfɛfinŋ shi, fa ǹʼnanɔri ntiŋ na kì.

« Jirinŋ shɔɔrinŋ daŋ jɛ pa-a kì, mìŋ ɲaan tenŋ ki tɛ, jirinŋ jɛ daŋ shɔɔrinŋ pa-a kì.

Jirinŋ bataa i tɔ-a a daŋ na. Fili daŋ pamaan so-a kila-i cii jirinŋ na kì, ɛrɛnsɛnŋ daŋ dumiŋ kila-a nɔfɛkɔli la kì.