Versículos más leídos de la Biblia SIAMPI LAIBU 26

Compartir

Keimah, note’ lakah omin note’ Pasian ka hi ding a, note, keima mite na hi ding uh hi.

keimah in note tungah guahtui a hunin kong pia ding a, leitang in an hong piangsakin, lo-a kungte in amau’ gah gah ding uh hi.

“Note in ka thukham zui-in, ka thupiaknate mangin tuate na sep uhleh

“Keimah in gam sungah nopsakna hong pia-in, note lungnuam takin na lum ding uh a, bangmah in note hong lausak lo ding hi. Keimah in gam sung panin ganhing gilote ka hawlkhia ding a, galkidona in na gam uh hong nawk lo ding hi.

Keimah in note ka hong pi ngaihsut ding a, note hong pungsakin, tampi kong phasak ding a, note tawh ka thuciamna ka kipsak ding hi.

Note pen amau’ sila na hihloh nadingun Egypt gam panin note a hong paikhiatpih TOPA na Pasian uh ka hi hi. Keimah in note’ gimna hakkolte kuaitanin note a dingtangin kong paisak hi.

Keimah in note lakah omna ka bawl ding a, keimah in note kong kih kei ding hi.

“Note in nomau a dingin a mai-ah na kun dingun milim bawl loin, a kiseek milim hitaleh biakna song hitaleh na dingsak kei ding uh a, na gam sung uhah suang milim na phut kei ding uh hi; bang hang hiam cih leh kei pen TOPA na Pasian uh ka hi hi.

Note in sauveipi a kikhol anluite ne-in, a thak koih nadingin a lui na hahsiang masa ding uh hi.

Note nga in zakhat zo-in, note zakhat in tul sawm na zo ding uh hi. Note’ mai-ah namsau in na galte uh puksak ding hi.

Na cil uh ante leenggah lawh hun dong kimang ding a, leenggah minte zong lopawi hun dong kimang ding hi. Note in na khamtakun an na ne ding uh a, lungnuam takin na gam sung uhah na teng ding uh hi.

Note in na galte uh na delh ding uh a, note’ mai-ah namsau in amaute puksak ding hi.

Note in ka sabbath-te tangin keimah hong kibiakna mun na zahtak ding uh hi; kei pen TOPA ka hi hi.