Versículos más leídos de la Biblia Lǔka 13

Compartir

“Jî̌pwî̤̌ cû̌kè̌lǎnṳ̌ lô̌khô dǒ takha î̌nî̌ nutûkû, ma̤titè̌hî̌dě, kòyò tokhlǒ jî̌pwî̤̌ cû̌nṳ̌ jûgrû bǎbǎkǎlè anṳ̌bò̌ lô̌khô̌ tô̤̌.

Bǎ ta̤cabahǐkû nu, pwa̤mǒ̤ dǒ khînǎ dò̌ yǎ dě asha jukǔ ô̌ tôpwa̤. A khòbǎ pô̤̌onu ayî̤ ně shǐlǐ̤sô̌ hǒ. Bǎ Yeshǔ kè̌shǐ lû̌û akha a kaǎhè lû̌û dǒ lô̤mô̤̌ dě a hî̌ lû̌û kû̌, “Pwa̤mǒ̤꤮, na ta̤sha hǎmǎ hǒ.”

Dě Yeshǔ dò̌htò̌ acǔde dǒ alô̤ dě taplǎnô̤̌ ashèkò wô̌ getîkhî sô̌ dě a htû̌sò̌htò̌ Cǒmara.

Bǎnu akhapě nu, kòyò ô̌ dǒnô̌kò tokhlǒ glè̌ hètǒ̤ wǐ dǒ alômô̤̌ pě, dě kòyò ô̌ dǒ alô̤mô̤̌ tokhlǒnu, a glè̌ hè tǒ̤ dǒ jokò pě.”

Hǐběcǎ gǔ ihtǒ ma̤bǐlǎ kèbǎ sî takha taplǎplǎ pě. Bǎnukha pě sî glè̌ ihtǒ ô̌ dǒ akhlo pě dě sî gǔ tôglô̌ takha pě. Dě sî gǔ hî̌ kû̌, ‘Běcǎ ma̤mô mò̌꤮ bǎ pa takha.’ “Dě a glè̌ hî̌shěshu sî kû̌, sî mî̌ kòyò bǎtè nu, ‘he sî̌ganǎ̤bǎnô̌ sî tôkhò̌꤮ tô̤̌.’

Amè̤tô̤̌, he hî̌ sî, sî hǒtokhlǒ bǎbǎ, sî kè̌ yò̤lǎ̤plǎdî̌ lô̌khô sîsǎphlǒ tô̤̌ hî̌dě, sî glè̌ sikèbò pṳ̂̌꤮ tôpwa̤ pě.”

“Bǎbǎkǎlè a gǔ hî̌shěshu pô̤̌ sî kû̌, ‘sî mî̌ kòyò bǎtè nu he sî̌yabǎnô̌ sî tô̤̌. Sî lǒ̤꤮ bò tokhlǒ numî̌ kòyò dǒ a ma̤ ta̤phǔmò̤̌shǐhtô nutokhlǒ pwǎ, hǎhtò̌cû̌ tôphe yî̤kè lô̌khô kû̌ he nu.’

Htodě Yeshǔ hî̌ kû̌, “Cǒmara shilǎ̤gǎkû numî̌ asô̌sô̌kû̌ mî̌titè? He gǔ dô̌nè dǔlṳ̌ kè̌lû̌mò̌mṳ bǎ sî kû̌ mî̌titè? Cǒmara shilǎ̤gǎkû numî̌ asô̌sô̌kû̌ kòyò tôpwa̤ wǐ̤lò̤ saplǎphlǒ tôphlǒ dǒ ahǔklakhû̌ nuhǒ, a phǎhtò̌ dě adû̌htò̌htûhtò̌ sô̌sô̌kû̌ sǒmṳ̌nu, dě htû̌phû̌ yṳ̌phû̌ tokhlǒ hèma̤ lô̌khô api̤ dǒ aphò tokhlǒ alô̤.”